（2020 nienz 5 nyied 28 hauh youq gwnz Gaiq Cibsam Daengx Guek Yinzminz Daibyauj Daihhoih Baez Hoih Daihsam doenggvaq）

Diuz itbak goujcib sam Yinzminz fazyen mboujndaej cujdung habyungh gij gvidingh mboengq mizyauq dajgauq.

Diuz itbak goujcib seiq Youq mboengq mizyauq dajgauq roek ndwen doeklaeng de, aenvih gij gazngaih lajneix，mbouj ndaej hengzsawj aen gienzleih cingjgouz，mboengq mizyauq dajgauq gatdingz：

（It） Gij yienzaen rengzvunz dingj mbouj ndaej；

（Ngeih）Boux mbouj miz naengzlig hengz- minzsaeh roxnaeuz boux deng hanh gij naengzlig hengzguh minzsaeh mbouj miz bouxdaihleix fapdingh， roxnaeuz bouxdaihleix fapdingh daibae、saet bae gij naengzlig hengzguh minzsaeh、saet bae gienzdaihleix；

（Sam）Ciepswnj hainduj le caengz doekdingh bouxciepswnj roxnaeuz boux guenj yizcanj；

（Seiq）Bouxgienzleih deng bouxyivu roxnaeuz bouxwnq gaemhanh；

（Haj）Gij gazngaih wnq hawj bouxgienzleih mbouj ndaej hengzsawj aen gienzleih cingjgouz.

Daj ngoenz siucawz gij yienzaen gatdingz seizyauq de hwnj rim roek ndwen， mboengq mizyauq dajgauq rimmboengq.

Diuz itbak goujcib haj Miz saek yiengh lajneix，mboengq mizyauq dajgauq gatduenh，daj mwh gatduenh、gij bouhloh mizgven gietsat hwnj，mboengq mizyauq dajgauq dauqcungz geiqsuenq：

（It）Bouxgienzleih cingjgouz bouxyivu hengz- guh yivu；

（Ngeih）Bouxyivu doengzeiq hengzguh yivu；

（Sam）Bouxgienzleih hwnjgauq roxnaeuz sinh- cingj buenqdingh；

（Seiq）Gij cingzhingz wnq caeuq daezhwnj susung roxnaeuz sinhcingj buenqdingh miz gij yauqlig doxdoengz haenx.

Diuz itbak goujcib roek Gij gienzleih cingj- gouz lajneix mbouj habyungh gij gvidingh mboengq mizyauq dajgauq：

（It）Cingjgouz satdingz ciemqhaih、baizcawz gazngaih、siucawz yungyiemj；

（Ngeih）Bouxgienzleih gij gienzhuq mbouj- doenghcanj caeuq gij gienzhuq doenghcanj daeng- geiq de cingjgouz boizdauq caizcanj；

（Sam）Cingjgouz ceihawj cienz ciengx lwg- nyez、cienz ciengx bouxlaux roxnaeuz cienz rex- ciengx；

（Seiq）Gij gienzleih cingjgouz wnq eifap mbouj habyungh mboengq mizyauq dajgauq haenx.

Diuz itbak goujcib caet Mboengq mizyauq dajgauq miz geijlai nanz、baenzlawz geiqsuenq caeuq vihmaz gatdingz、gatduenh youz faplwd gvidingh，bouxnangqsaeh iekdingh mbouj suenqsoq.

Bouxnangqsaeh vutbae gij leih’ik mboengq mizyauq dajgauq gonq mbouj mizyauq.

Diuz itbak goujcib bet Faplwd doiq mboengq buenqdingh dajgauq miz gvidingh ne， ciuq gij gvidingh de guh； mbouj miz gvidingh ne，hab- yungh gij gvidingh mboengq mizyauq dajgauq.

Diuz itbak goujcib gouj Mboengq lij miz gienzsiubae、gienzgejcawz daengj gienzleih faplwd gvidingh roxnaeuz bouxnangqsaeh iekdingh haenx，cawz ok faplwd lingh miz gvidingh，daj ngoenz bouxgienzleih roxyiuj roxnaeuz wngdang roxyiuj miz gienzleih de suenq hwnj，mbouj habyungh gij gvidingh mizgven mboengq mizyauq dajgauq gat- dingz、gatduenh caeuq gyaraez. Mboengq lij miz rimmboengq， gienzsiubae、gienzgejcawz daengj gienzleih siumon.

Cieng Daihcib Geiqsuenq Geizgan

Diuz songbak Aen geizgan Minzfaz gangj haenx ciuq goenglig bi、ndwen、ngoenz、siujseiz suenq.

Diuz songbak lingz it Ciuq bi、ndwen、ngoenz suenq geizgan ne，ngoenz hainduj mbouj suenq haeuj，daj ngoenz laeng suenq hwnj.

Ciuq siujseiz suenq geizgan ne, daj aen seizgan faplwd gvidingh roxnaeuz bouxnangqsaeh iekdingh haenx suenq hwnj.

Diuz songbak lingz ngeih Ciuq bi、ndwen suenq geizgan ne，ngoenz doiqwngq ndwen daengz geiz de dwg ngoenz ceiq laeng aen geizgan de；mbouj miz ngoenz doiqwngq ne，ngoenz ceiq laeng ndwen de suenq guh ngoenz ceiq laeng aen geizgan de.

Diuz songbak lingz sam Ngoenz ceiq laeng aen geizgan de dwg ngoenzyietgyaj fapdingh，aeu ngoenz laeng ngoenzyietgyaj fapdingh gietsat guh ngoenz ceiq laeng aen geizgan de.

Gij seizgan ngoenz ceiq laeng aen geizgan de gatdingz dwg 24 diemj；miz gij seizgan yezvu ne，gij seizgan satdingz guh yezvu dwg gij seizgan gatdingz.

Diuz songbak lingz seiq Gij fuengfap geiq- suenq geizgan ciuq gij gvidingh aen fap neix，hoeng cawz ok faplwd lingh miz gvidingh roxnaeuz bouxnangqsaeh lingh miz iekdingh.

Bien Daihngeih Gienzhuq

Faenbien Daih’it Dunghcwz

Cieng Daih’it Gvidingh Baeznaengz

Diuz songbak lingz haj Bien neix diuzcingj gij gvanhaeh minzsaeh aenvih huq gvi hawj bouxlawz caeuq baenzlawz bae yungh mizok haenx.

Diuz songbak lingz roek Guekgya dawz- maenh caeuq caezcienz aen ginghci cidu giekbonj sevei cujyi aeu gunghyoujci guh goek、yiengh ginghci lai cungj sojyoujci doengzcaez fatmaj, ciuq guhhong lainoix daeuj faenboiq guh ganh、lai cungj faenboiq fuengsik doengzcaez mizyouq, aen dijci yiengh ginghci hawciengz sevei cujyi daengj.

Guekgya gyamaenh caeuq fatmaj gij ginghci gunghyoujci, gikcoi、haeujcoengh caeuq dazyinx gij ginghci mbouj dwg gunghyoujci fatmaj.

Guekgya saedhengz yiengh ginghci hawciengz sevei cujyi, saedcaih baujcingq sojmiz cawjdaej hawciengz youq gwnz faplwd cungj ndaej bingz- daengj、cungj miz gij gienzleih fatmaj.

Diuz songbak lingz caet Gij gienzhuq guek- gya、cizdij、seivunz caeuq gij gienzhuq bouxgienzleih wnq ndaej daengz faplwd bingzdaengj baujhoh, mboujlwnh aen cujciz lawz roxnaeuz boux vunz lawz cungj mbouj ndaej ciemqfamh.

Diuz songbak lingz bet Ndalaeb、bienq- doengh、cienjnyiengh caeuq siumon gij gienzhuq mboujdoenghcanj, wngdang ciuq gij gvidingh faplwd bae daenggeiq. Ndalaeb caeuq cienjnyiengh gij gienzhuq doenghcanj, wngdang ciuq gij gvidingh faplwd bae gyauhawj.

第一百九十三条  人民法院不得主动适用诉讼时效的规定。

第一百九十四条  在诉讼时效期间的最后六个月内，因下列障碍，不能行使请求权的，诉讼时效中止：

（一）不可抗力；

（二）无民事行为能力人或者限制民事行为能力人没有法定代理人，或者法定代理人死亡、丧失民事行为能力、丧失代理权；

（三）继承开始后未确定继承人或者遗产管理人；

（四）权利人被义务人或者其他人控制；

（五）其他导致权利人不能行使请求权的障碍。

自中止时效的原因消除之日起满六个月，诉讼时效期间届满。

第一百九十五条  有下列情形之一的，诉讼时效中断，从中断、有关程序终结时起，诉讼时效期间重新计算：

（一）权利人向义务人提出履行请求；

（二）义务人同意履行义务；

（三）权利人提起诉讼或者申请仲裁；

（四）与提起诉讼或者申请仲裁具有同等效力的其他情形。

第一百九十六条  下列请求权不适用诉讼时效的规定：

（一）请求停止侵害、排除妨碍、消除危险；

（二）不动产物权和登记的动产物权的权利人请求返还财产；

（三）请求支付抚养费、赡养费或者扶养费；

（四）依法不适用诉讼时效的其他请求权。

第一百九十七条  诉讼时效的期间、计算方法以及中止、中断的事由由法律规定，当事人约定无效。

当事人对诉讼时效利益的预先放弃无效。

第一百九十八条  法律对仲裁时效有规定的，依照其规定；没有规定的，适用诉讼时效的规定。

第一百九十九条  法律规定或者当事人约定的撤销权、解除权等权利的存续期间，除法律另有规定外，自权利人知道或者应当知道权利产生之日起计算，不适用有关诉讼时效中止、中断和延长的规定。存续期间届满，撤销权、解除权等权利消灭。

第十章  期间计算

第二百条  民法所称的期间按照公历年、月、日、小时计算。

第二百零一条  按照年、月、日计算期间的，开始的当日不计入，自下一日开始计算。

按照小时计算期间的，自法律规定或者当事人约定的时间开始计算。

第二百零二条  按照年、月计算期间的，到期月的对应日为期间的最后一日；没有对应日的，月末日为期间的最后一日。

第二百零三条  期间的最后一日是法定休假日的，以法定休假日结束的次日为期间的最后一日。

期间的最后一日的截止时间为二十四时；有业务时间的，停止业务活动的时间为截止时间。

第二百零四条  期间的计算方法依照本法的规定，但是法律另有规定或者当事人另有约定的除外。

第二编 物权

第一分编 通则

第一章 一般规定

第二百零五条  本编调整因物的归属和利用产生的民事关系。

第二百零六条  国家坚持和完善公有制为主体、多种所有制经济共同发展，按劳分配为主体、多种分配方式并存，社会主义市场经济体制等社会主义基本经济制度。

国家巩固和发展公有制经济，鼓励、支持和引导非公有制经济的发展。

国家实行社会主义市场经济，保障一切市场主体的平等法律地位和发展权利。

第二百零七条  国家、集体、私人的物权和其他权利人的物权受法律平等保护，任何组织或者个人不得侵犯。

第二百零八条  不动产物权的设立、变更、转让和消灭，应当依照法律规定登记。动产物权的设立和转让，应当依照法律规定交付。

（13 caengz sat）

（壮文稿由中国民族语文翻译局提供）