Bak bi fwn rumz doxbuenx, bak bi roengzrengz buekguh，bak bi hungmbwk ronghsag. 6 nyied 25 hauh，Bwzswz Si Denzyangz Gih guh aen hoih vwnzyi“ciengxlwenx riengz aendangj byaij”—— hoh Cunghgoz Gungcanjdangj laebbaenz 100 hopbi. Daengx gih ganbu vunzlai cuengq sing doeg sei hoengz、eu fwen hoengz daengj angqhoh ngoenzseng aendangj. Lumjbaenz diuq foux《Gij Ligliengh Fukhwng》、eu fwen《Mbouj Lumz Simnduj》、 yienj heiq 《Fungyi 1927》、doeg sei《Diuz Roen Vuenyungz Ndeu》daengj，ndeiyawj ndeidingq. Gyoengqvunz dawz gij gyaez caeuq gyo’mbaiq aendangj yungzhaeuj cezmuz bae，langhbaij gij cingsaenz ndei vunz Denzyangz，gujli vunzlai gwnzbiengz aeu cingzcik engq ndei soengq laex hawj ngoenzseng aendangj.

（Couh Gyahgungj Vangz Yingj / 周加孔 黄 颖）