6 nyied 25 hauh banhaemh ndaw Nanzningz Yinzminz Veidangz, geiz- dangj mbinyag、sing go haprwenz. Aen Hoih Caezgya Ciengq Go Saekhoengz Angqhoh Laeb Dangj 100 Hopbi “Gyo’mbaiq Aendangj Riengz Aendangj Byaij” Gihciz Gihgvanh Gunghveij cawjbanh haenx youq gizneix banh.

Hwnj ciengz ciengq ceiq gonq dwg hot go《Mbouj Miz Gungcanjdangj Couh Mbouj Miz Cungguek Moq》, sing go goksasa danqhaenh aendangj hung- mbwk、guekcoj hungmbwk raeuz. Riengzlaeng, hot go 《Gou Gyaez Mwngz Cungguek》, yaem’wenq ndei- dingq yienh’ok gij hohfuk naekcingz caeuq gij ndiepgyaez guekcoj, comz gij rengz hung vih saedyienh Cunghvaz Minzcuz fukhwng hungmbwk. Ciep roengzdaeuj hot go 《Byaij Coh Fuk- hwng》, cungfaen yienh’ok gij cing- saenz gyoengq dangjyenz ganbu haidin vaiq、haidaeuz couh ceng gonq, gamj rapdawz、guh ndaej ndei, doidoengh ginghci sevei hwngfat ndaej ndei youh vaiq, saedyienh “cibseiq haj” hai gwzgiz moq、raiz biencieng moq, riengz aen Guengjsae gyaeundei sevei cujyi miz daegsaek Cungguek seizdaih moq aen moegbiu neix buekguh baenaj.

Daengx ciengz ciengq go ndei- dingq dangqmaz、hawj vunz gamj- doengh. Hot dem hot go vunzvunz cungj rox、bouxboux cungj nyi gvaq haenx, hawj gyoengq dangjyenz ganbu youq ciengz roxnyinh daengz bak bi ronghlwenq caeuq cingzcik hungmbwk aendangj, hawj gyoengqde lai gyaez aendangj; hot dem hot go maenhndei cauhmoq, caezgya roxnyinh daengz ndaej miz Swcigih Dangjveij lingj- dauj, daengx gih diegdieg bienqvaq hungloet, engqgya giendingh hamj ok yamqdin akrengz seizdaih moq rox gyo’mbaiq aendangj buekguh baenaj.

(Lanz Fungh Liu Ciyungz)