（2020 nienz 5 nyied 28 hauh youq gwnz Gaiq Cibsam Daengx Guek Yinzminz Daibyauj Daihhoih Baez Hoih Daihsam doenggvaq）

Cieng Daihgouj Mboengq Mizyauq Dajgauq

Diuz itbak betcib bet Mboengq mizyauq dajgauq yiengq yinzminz fazyen cingjgouz baujhoh gij gienzleih minzsaeh dwg sam bi. Faplwd lingh miz gvidingh ne，ciuq gij gvidingh de guh.

Mboengq mizyauq dajgauq daj ngoenz boux- gienzleih roxyiuj roxnaeuz wngdang roxyiuj gienzleih deng sonjhaih caeuq bouxyivude hainduj suenq.Faplwd lingh miz gvidingh ne，ciuq gij gvidingh de guh. Hoeng daj ngoenz gienzleih deng sonjhaih hwnj mauhgvaq ngeihcib bi ne，yinzminz fazyen mbouj baujhoh, miz gij cingzgvang daegbied ne，yinzminz fazyen ndaej ciuq bouxgienzleih sinhcingj gietdingh gyaraez.

Diuz itbak betcib gouj Bouxnangqsaeh iek- dingh faenh ngaenzcaiq ndeu faen geiz boiz ne，mboengq mizyauq dajgauq daj ngoenz aen geizhanh boiz baez ceiq laeng de daengz geiz suenq hwnj.

Diuz itbak goujcib Mboengq mizyauq daj- gauq aen gienz cingjgouz boux mbouj miz naengzlig hengzminzsaeh roxnaeuz boux deng hanh gij naengzlig hengzguh minzsaeh doiq bouxdaihleix fapdingh de miz haenx, daj ngoenz aen fapdingh daihleix satdingz de suenq hwnj.

Diuz itbak goujcib it Mboengq mizyauq dajgauq aengienzleih cingjgouz dienzboiz gij sonj- haih bouxcaengzhung deng ciemqndang haenx，daj ngoenz bouxdenghaih nienzgeij rim cibbet hopbi de suenq hwnj.

Diuz itbak goujcib ngeih Mboengq mizyauq dajgauq rimmboengq le, bouxyivu ndaej daezok dingjbuek mbouj hengzguh yivu.

Mboengq mizyauq dajgauq rimmboengq le，bouxyivu doengzeiq hengzguh ne，mbouj ndaej aeu mboengq mizyauq dajgauq rimmboengq guh leix- youz bae dingjbuek；bouxyivu gaenq gagnyienh hengzguh ne, mbouj ndaej cingjgouz boizdauq.

第九章  诉讼时效

第一百八十八条  向人民法院请求保护民事权利的诉讼时效期间为三年。法律另有规定的，依照其规定。

诉讼时效期间自权利人知道或者应当知道权利受到损害以及义务人之日起计算。法律另有规定的，依照其规定。但是，自权利受到损害之日起超过二十年的，人民法院不予保护，有特殊情况的，人民法院可以根据权利人的申请决定延长。

第一百八十九条  当事人约定同一债务分期履行的，诉讼时效期间自最后一期履行期限届满之日起计算。

第一百九十条  无民事行为能力人或者限制民事行为能力人对其法定代理人的请求权的诉讼时效期间，自该法定代理终止之日起计算。

第一百九十一条  未成年人遭受性侵害的损害赔偿请求权的诉讼时效期间，自受害人年满十八周岁之日起计算。

第一百九十二条  诉讼时效期间届满的，义务人可以提出不履行义务的抗辩。

诉讼时效期间届满后，义务人同意履行的，不得以诉讼时效期间届满为由抗辩；义务人已经自愿履行的，不得请求返还。

（12 caengz sat）

（壮文稿由中国民族语文翻译局提供）