Vih angqhoh aendangj laeb- baenz 100 hopbi, 6 nyied 17 hauh, Bwzswz Si Denzyangz Gih guh hozdung “hag lizsij aendangj、geiq simnduj、rap sawjmingh”doxdax cihsiz aendangj, gungh miz 18 aen doih camgya. Daezmoeg faen miz seiq cungj: Daez aeu dap、daez ciengj dap、daez fungyiemj caeuq daez laigya. Riengz dwk daezmoeg bienq ndaej engq nanz, doxdax caemh bienq ndaej engq ndeiyawj mizyinx. Mbat doxdax neix hawj gyoengq dangjyenz engq maij hag lizsij aendangj, caiq gujli gyoengqde youq gij “doxdax”ngoenzlaeng caeuq vunzlai guh- saeh、guh boux guhyiengh byaij youq baihnaj seiz, laebdaeb aeu cungj cingsaenz neix bae “ciengj dap”.

（Luz Siulingz / 卢秀灵）