（2020 nienz 5 nyied 28 hauh youq gwnz Gaiq Cibsam Daengx Guek Yinzminz Daibyauj Daihhoih Baez Hoih Daihsam doenggvaq）

Ciet Daihsam Daihleix Satdingz

Diuz itbak caetcib sam Miz saek yiengh lajneix， dakdoz daihleix satdingz：

（It）Aen geizhanh daihleix rimmboengq roxnaeuz gij hongsaeh daihleix guhcaez；

（Ngeih）Boux deng daihleix siubae dakdoz roxnaeuz bouxdaihleix doiqok dakdoz；

（Sam）Bouxdaihleix gaenq mbouj miz naengzlig bae hengzguh minzsaeh；

（Seiq）Bouxdaihleix roxnaeuz boux deng daihleix daibae；

（Haj）Gij fazyinz、aen cujcizmbouj dwg fazyinz dangguh bouxdaihleix roxnaeuz boux deng daihleix haenx satdingz.

Diuz itbak caetcib seiq Boux deng daihleix dai le，miz saek yiengh lajneix，gij yienghsaeh daihleix bouxdaihleix dakdoz bae hengzguh haenx lij mizyauq：

（It）Bouxdaihleix mbouj roxyiuj caemhcaiq mbouj wngdang roxyiuj boux deng daihleix daibae；

（Ngeih）Bouxciepswnj duh boux deng daihleix swngznyinh；

（Sam）Youq mwh hawjgienz mingzbeg gangj- mingz gienzdaihleix youq mwh guhcaez gij hongsaeh daihleix satdingz；

（Seiq）Mwh boux deng daihleix caengz dai gaenq hengzguh，vih gij leih’ik bouxciepswnj duh boux deng daihleix cix laebdaeb daihleix.

Gij fazyinz、aen cujciz mbouj dwg fazyinz dangguh boux deng daihleix haenx satdingz ne，camyawj habyungh gij gvidingh gvanj gonq.

Diuz itbak caetcib haj Miz saek yiengh lajneix，gij daihleix fapdingh satdingz：

（It）Boux deng daihleix aeundaej roxnaeuz hoizfuk gij naengzlig caezcup hengzguh minzsaeh；

（Ngeih）Bouxdaihleix gaenq mbouj miz naengzlig bae hengzguh minzsaeh；

（Sam）Bouxdaihleix roxnaeuz boux deng daihleix daibae；

（Seiq）Yiengh wnq faplwd gvidingh de.

Cieng Daihbet Cwzyin Minzsaeh

Diuz itbak caetcib roek Ndangcawj minzsaeh ciuq gij gvidingh faplwd roxnaeuz ciuq gij iekdingh bouxnangqsaeh hengzguh yivu minzsaeh， rapdawz cwzyin minzsaeh.

Diuz itbak caetcib caet Song boux doxhwnj eifap ciuq faenh rapdawz cwzyin，ndaej doekdingh cwzyin hung’iq ne，gag boux gag rapdawz gij cwzyin doxwngq；nanz ndaej doekdingh cwzyin hung’iq ne，bingzdan rapdawz cwzyin.

Diuz itbak caetcib bet Song boux doxhwnj eifap rapdawz gij cwzyin lienzdaiq，bouxgienzleih miz gienz cingjgouz mbangj boux roxnaeuz cienz- bouh cwzyinyinz lienzdaiq rapdawz cwzyin.

Boux cwzyinyinz lienzdaiq wngdang rap geijlai cwzyin, ciuq gij cwzyin hung’iq gak boux doek- dingh；nanz ndaej doekdingh cwzyin hung’iq ne, bingzdan rapdawz cwzyin. Boux cwzyinyinz lienz- daiq gij cwzyin saedceiq rapdawz de mauhgvaq gij faenhngeg cwzyin bonjfaenh ne，miz gienz yiengq boux cwzyinyinz lienzdaiq wnq gyaep aeu dienzboiz.

Cwzyin lienzdaiq，youz faplwd gvidingh rox- naeuz bouxnangqsaeh iekdingh.

Diuz itbak caetcib gouj Gij fuengsik rapdawz cwzyin minzsaeh cujyau miz：

（It）Satdingz ciemqhaih；

（Ngeih）Baizcawz gazngaih；

（Sam）Siucawz yungyiemj；

（Seiq）Boizdauq caizcanj；

（Haj）Hoizfuk yienghgaeuq；

（Roek）Coihndei、dauq guh、lawhvuenh；

（Caet）Laebdaeb hengzguh；

（Bet）Dienzboiz sonjsiet；

（Gouj）Ceihawj cienzbyonjbak；

（Cib）Siucawz yingjyangj、hoizfuk mingzdaeuz；

（Cib’it）Boizlaex nyinhloek.

Faplwd gvidingh aeu guh ceihfad dienzboiz ne，ciuq gij gvidingh de guh.

Gij fuengsik rapdawz gij cwzyin minzsaeh diuz neix gvidingh haenx，ndaej dandog bae yungh，hix ndaej gyoebhab bae yungh.

Diuz itbak betcib Aenvih gij yienzaen rengzvunz dingj mbouj ndaej haenx cix mbouj ndaej hengzguh yivu minzsaeh ne，mbouj rapdawz gij cwzyin minzsaeh. Faplwd lingh miz gvidingh ne，ciuq gij gvidingh de guh.

Gij yienzaen rengzvunz dingj mbouj ndaej haenx dwg ceij gij gwzgvanh cingzgvang ngwz mbouj daengz、baexmienx mbouj ndaej caemhcaiq haekfug mbouj ndaej de.

Diuz itbak betcib it Aenvih cingqdangq fuengzhen cauhbaenz sonjhaih ne，mbouj rapdawz aen cwzyin minzsaeh.

Cingqdangq fuengzhen mauhgvaq gij hanhdoh itdingh aeu miz，cauhbaenz gij sonjhaih mbouj wngdang miz de，boux cingqdangq fuengzhen wngdang rapdawz gij cwzyin minzsaeh habngamj.

Diuz itbak betcib ngeih Aenvih gaenjbik baexyiemj cauhbaenz sonjhaih ne，youz boux yinxhwnj yungyiemj haenx rapdawz aen cwzyin minzsaeh.

Danghnaeuz yungyiemj dwg youz gij yienzaen swhyienz yinxhwnj ne， boux gaenjbik baexyiemj mbouj rapdawz cwzyin minzsaeh， hoengndaej guh gij dienzbouj habngamj.

Gaenjbik baexyiemj mbouj habdangq roxnaeuz mauhgvaq gij hanhdoh itdingh aeu miz，cauhbaenz gij sonjhaih mbouj wngdang miz ne， boux gaenjbik baexyiemj wngdang rapdawz gij cwzyin minzsaeh habngamj.

Diuz itbak betcib sam Vih baujhoh gij gienzik minzsaeh bouxwnq hawj swhgeij cix deng sonjhaih ne，youz bouxciemqgienz rapdawz cwzyin minzsaeh，bouxsouh’ik ndaej hawj gij dienzbouj habngamj. Mbouj miz bouxciemqgienz、boux- ciemqgienz ndojdeuz roxnaeuz mbouj miz naengzlig rapdawz cwzyin minzsaeh，bouxdenghaih cingjgouz dienzbouj ne，bouxsouh’ik wngdang habdangq bae dienzbouj.

Diuz itbak betcib seiq Aenvih gagnyienh hengzguh gaenjbik banggouq cix hawj boux- ndaejbang deng sonjhaih，bouxguhbang mbouj rapdawz cwzyin minzsaeh.

Diuz itbak betcib haj Ciemqhaih gij singq- coh、yienghsiengq、mingzdaeuz、miznajboux yingh- yungz lezsw daengj，sonjhaih gij leih’ik ndawbiengz doengzcaemh ne，wngdang rapdawz cwzyin minzsaeh.

Diuz itbak betcib roek Aenvih boux- nangqsaeh mbiengj ndeu mbouj souj iekdingh，sonjhaih gij gienzik ndangvunz、gienzik caizcanj mbiengj wnq ne，mbiengj deng sonjhaih miz gienz cingjgouz de rapdawz cwzyin mbouj souj iekdingh roxnaeuz gij cwzyin ciemqgienz.

Diuz itbak betcib caet Ndangcawj minzsaeh aenvih guh caemh yiengh saeh wngdang rapdawz aen cwzyin minzsaeh、cwzyin hingzcwng caeuq cwzyin hingzsaeh ne， rapdawz gij cwzyin hingzcwng roxnaeuz cwzyin hingzsaeh mbouj yingjyangj rapdawz gij cwzyin minzsaeh；danghnaeuz gij caizcanj ndangcawj minzsaeh mbouj gaeuq ceihawj， yungh daeuj rapdawz cwzyin minzsaeh gonq.

第三节  代理终止

第一百七十三条  有下列情形之一的，委托代理终止：

（一）代理期限届满或者代理事务完成；

（二）被代理人取消委托或者代理人辞去委托；

（三）代理人丧失民事行为能力；

（四）代理人或者被代理人死亡；

（五）作为代理人或者被代理人的法人、非法人组织终止。

第一百七十四条  被代理人死亡后，有下列情形之一的，委托代理人实施的代理行为有效：

（一）代理人不知道且不应当知道被代理人死亡；

（二）被代理人的继承人予以承认；

（三）授权中明确代理权在代理事务完成时终止；

（四）被代理人死亡前已经实施，为了被代理人的继承人的利益继续代理。

作为被代理人的法人、非法人组织终止的，参照适用前款规定。

第一百七十五条  有下列情形之一的，法定代理终止：

（一）被代理人取得或者恢复完全民事行为能力；

（二）代理人丧失民事行为能力；

（三）代理人或者被代理人死亡；

（四）法律规定的其他情形。

第八章  民事责任

第一百七十六条  民事主体依照法律规定或者按照当事人约定，履行民事义务，承担民事责任。

第一百七十七条  二人以上依法承担按份责任，能够确定责任大小的，各自承担相应的责任；难以确定责任大小的，平均承担责任。

第一百七十八条  二人以上依法承担连带责任的，权利人有权请求部分或者全部连带责任人承担责任。

连带责任人的责任份额根据各自责任大小确定；难以确定责任大小的，平均承担责任。实际承担责任超过自己责任份额的连带责任人，有权向其他连带责任人追偿。

连带责任，由法律规定或者当事人约定。

第一百七十九条  承担民事责任的方式主要有：

（一）停止侵害；

（二）排除妨碍；

（三）消除危险；

（四）返还财产；

（五）恢复原状；

（六）修理、重作、更换；

（七）继续履行；

（八）赔偿损失；

（九）支付违约金；

（十）消除影响、恢复名誉；

（十一）赔礼道歉。

法律规定惩罚性赔偿的，依照其规定。

本条规定的承担民事责任的方式，可以单独适用，也可以合并适用。

第一百八十条  因不可抗力不能履行民事义务的，不承担民事责任。法律另有规定的，依照其规定。

不可抗力是不能预见、不能避免且不能克服的客观情况。

第一百八十一条  因正当防卫造成损害的，不承担民事责任。

正当防卫超过必要的限度，造成不应有的损害的，正当防卫人应当承担适当的民事责任。

第一百八十二条  因紧急避险造成损害的，由引起险情发生的人承担民事责任。

危险由自然原因引起的，紧急避险人不承担民事责任，可以给予适当补偿。

紧急避险采取措施不当或者超过必要的限度，造成不应有的损害的，紧急避险人应当承担适当的民事责任。

第一百八十三条  因保护他人民事权益使自己受到损害的，由侵权人承担民事责任，受益人可以给予适当补偿。没有侵权人、侵权人逃逸或者无力承担民事责任，受害人请求补偿的，受益人应当给予适当补偿。

第一百八十四条  因自愿实施紧急救助行为造成受助人损害的，救助人不承担民事责任。

第一百八十五条  侵害英雄烈士等的姓名、肖像、名誉、荣誉，损害社会公共利益的，应当承担民事责任。

第一百八十六条  因当事人一方的违约行为，损害对方人身权益、财产权益的，受损害方有权选择请求其承担违约责任或者侵权责任。

第一百八十七条  民事主体因同一行为应当承担民事责任、行政责任和刑事责任的，承担行政责任或者刑事责任不影响承担民事责任；民事主体的财产不足以支付的，优先用于承担民事责任。

（11 caengz sat）

（壮文稿由中国民族语文翻译局提供）