Mboengqneix, Gvangjsih Sawcuengh Yozyau、Gvangjsih Minzcuz Gauhcungh iu doenghboux canghraiz Sawcuengh ciemdingh daengz yozyau gangj raiz saw.

Vih caeuq gij hong sawvah minzcuz seizdaih moq doxhab, doicaenh hongsaeh son’gyauq Cuengh Gun song vah, hawj sawvah doeng’yungh guekgya ndaej bujgiz, youh banh’ok daegsaek son’gyauq song vah, yozyau iu le Yiz Ciz、 Luz Vanjcinh、 Cungh Hihcwngh、 Danz Hijvah、 Lingz Siuyangh 5 boux canghraiz Sawcuengh caeuq Gvangjsih Minzcuz Bau ciemcoh doxdingh haenx bae hai aen hoih “gyo aencingz aendangj, riengz aendangj byaij”. Haj boux canghraiz cug boux aeu gij gingniemh dem gij makbaenz gyoengqde bae gangj baenzlawz raiz saw, hawj lwghag engq maij rox、hag、yungh sawvah minzcuz.

（Lanz Siujyinz/兰小云）