Vih hag ndei guhlaeg gij cingsaenz caeuq vah youqgaenj mwh Siz Ginbingz cungjsuhgi gaujcaz Gvangjsih gangj haenx, fatyiengz cingsaenz gwzming, 6 nyied 11 daengz 12 hauh, dangjyenz daibyauj Yungzsuij Myauzcuz Swciyen Dalang Cin riengz gij rizdin Siz cungjsuhgi, bae daengz Gveilinz Si Cenzcouh Yen guh “suhgi hwnj dangzgoq aendangj”, yienhciengz sonhag lizsij aendangj, lij guh gij hozdung ngoenz aendangj “angqcoux aendangj laeb ndaej 100 hopbi swnjcienz meg hoengz”. Gyoengqvunz cungj naeuz, mbat neix dwg dangzgoq son’gyauq lizsij aendangj gig mizyinx ndeu. Gyoengqde yaekaeu ciepcienz gihyinh hoengz, swnjcienz gij meg cingsaenz vunz Gungcanjdangj, youq vihhong swhgeij bang lwgminz guh saedsaeh, mbouj lumz simnduj, byaij ndei diuz roen cangzcwngh seizdaih moq, aeu cingzcik ndei bae angqhoh aendangj laeb ndaej 100 hopbi.

（Veiz Cuzliz/韦竹立）