6 nyied 13 hauh, ciengz heiq “ciengxlwenx riengz dangj byaij” mehmbwk lwgnyez Guengjsae angq- hoh Cunghgoz Gungcanjdangj laeb- baenz 100 hopbi Aen Cunghsinh Hozdung Mehmbwk Lwgnyez Guengj- sae banh haenx, youq Aen Cunghsinh Yisuz Vwnzva Guengjsae yienj.

Ciengz heiq neix hopheux aen cawjdaez dauqngeix gij lizsij miznaj aendangj、danqhaenh gij goenglauz hungmbwk aendangj daeuj yienj, faen baenz “danqhaenh gij lwenqrongh bak bi”“cingz Mbanjcuengh sim lwgnyez coh aendangj”“mehmbwk dieg bazgvei haenh aencingz aendangj”“ciengxlwenx riengz aendangj byaij baenaj” seiq aen biencieng.

Hainduj habciengq 《Mbouj Miz Gungcanjdangj Couh Mbouj Miz Cunghgoz Moq》 le, 22 aen cezmuz maenhndei daengx gih 14 aen si fulenz、aen cunghsinh hozdung meh- mbwk lwgnyez senjsoengq、baugvat diuqfoux、habciengq、doeg sei、yienj heiq、roq gyong roq laz haenx doxlwnz hwnj daiz yienj, soengq gij hohfuk gyaeundei hawj ngoenzseng bak bi aendangj.

(Leiz Siujginz)