习近平总书记回信勉励黄婉秋

继续发挥老艺术家的表率作用 带动更多的文艺工作者为人民创作为时代放歌

Cunghgung Cunghyangh cungj- suhgi、 guekgya cujsiz、 Cungh- yangh Ginhveij cujsiz Siz Ginbingz mboengqneix hoiz saenq hawj boux yisuzgyah geq Vangz Vanjciuh, gven- sim gienqmienx de. 6 nyied 3 hauh, Swcigih lingjdauj cienj gyau fung saenq Siz Ginbingz cungjsuhgi hawj Vangz Vanjciuh caemhcaiq bae yawjngonz gvanbaz Vangz Vanjciuh dem.

Siz Ginbingz youq ndaw saenq naeuz, denyingj 《Liuz Sanhcej》 mwngz yienj haenx bouxboux cungj rox, hawj haujlai bouxyawj roxyiuj le gij yinxdaeuz vwnzva “fwen Liuz Sanhcej”. Denyingj 《Liuz Sanhcej》 vihmaz baenz ginghdenj, aenvih de daj gij byaraemx gij ndwenngoenz beksingq daeuj, hab gij siengjgyaez caeuq gyaepgouz caen sienh gyaeu gyoengqvunz.

Siz Ginbingz naeuz, depgyawj ndwenngoenz, caprag beksingq, aeu gij vwnzva Cunghvaz gak minzcuz caezcaemh cauhguh haenx cienzswnj ndei、hwngfat ndei, dwg gij sawjmingh miznaj bouxguhhong vwnzyi seizdaih moq. Muengh mwngz laebdaeb fatok gij cozyung daiqdaeuz yisuzgyah geq, daiq gyoengq bouxguhhong vwnzyi cauhguh hawj bekqsingq、eu fwen hawj seizdaih.

Mwh swcigih lingjdauj bae yawj- ngonz gvanbaz Vangz Vanjciuh naeuz, Siz Ginbingz cungjsuhgi cienmonz hoiz saenq hawj Vangz Vanjciuh dungzci, doiq guhndei hong vwnzyi seizdaih moq daezok maqmuengh, cungfaen yienh’ok cungjsuhgi gig yawjnaek cienzswnj vwnzva minzcuz、gvensim gyoengq bouxguhhong vwnzyi. Maq- muengh Vangz Vanjciuh caeuq gyoengq bouxguhhong vwnzyi daengx gih geiqmaenh gij vah Siz Ginbingz cungjsuhgi daengq haenx, laebdaeb aeu vwnzva “Liuz Sanhcej” cienzswnj ndei, aeu vwnzva Cunghvaz fatyiengz ndei、hwngfat ndei, danqhaenh Guengjsae、danqhaenh guekcoj、danq- haenh beksingq、danqhaenh seizdaih moq, hawj daengx seiqgyaiq roxnaj gij vwnzva maenhndei Cunghvaz Minz- cuz、roxnaj Cungguek, doiq ndaej hwnj gij gvensim gij gyaez cungjsuhgi.

(Cinz Yizcwz Vei Hwngz)