5 nyied 27 hauh, aen hoih lwnh saehmoq Swcigih Cwngfuj lwnh vunz- lai rox, gih raeuz lajmbanj hwng- hoengh caeuq hwnjguh nungzyez nungzcunh yendaiva gaenq cienz- mienh hainduj, anbaiz doinyoengx gij gunghcwngz caeuq hengzdoengh cungdenj gvendaengz cingjceih vanz- ging vunzyouq lajmbanj、daezswng yiengh aenmbanj、gihcuj sezsih caeuq gunghgung fuzvu、singz mbanj doxyungz hwngfat daengj fueng- mienh.

2020 nienz, gih raeuz nungzyez nungzcunh ginghci hwngfat aeundaej cingzcik yienhda, vih daengx gih ginghci sevei hwngfat onjdingh fatok gij cozyung youqgaenj, canjyez daih’it soqgyalai daengz 3555.8 ik maenz, doengzbeij demlai 5%, gyalai suzdu laebdaeb geij bi sang gvaq daengx guek bingzyaenz suijbingz; vunz lajmbanj bingzyaenz bouxvunz ndaej ceiyungh souhaeuj 14815 maenz, doengzbeij mingzdaeuz dem- lai 8.3%, demlai fukdoh baiz daengx guek baihnaj. Daengz 2021 nienz geiqdoh nduj, daengx gih gyoebsuenq guhbaenz dieg guhyiengh nungzyez miz daegsaek daihneix swcigih gaep 339 aen、dieg guhyiengh yienh gaep 873 aen、suen guhyiengh yangh gaep 3404 aen, cauh le buek dieg hwngfat nungzyez daihneix ndeu, guhbaenz le aen canjyez gyoebcomz ndaem gohaeux、ndaem oij、ndaem mak、ndaem byaekheu、 ciengx bya、ciengx vaiz ciengx max daengj dij 6000 ik maenz caeuq 3 aen 500 ik maenz canjyez gyoebcomz miz ciengx nonsei、ndaem ywdoj、ciengx gaeq ciengx bit. Daengx gih canjyez bangfuz miz daegsaek cwgoemq ranzgungzhoj 97.04%, miz 99.06% vunz gungzhoj doenggvaq guh canj- yez gyalai souhaeuj ndaej vutgungz, cauh’ok canjyez bangfuz youqgaenj ciengx vaiz ciengx yiengz、 ndaem makgaivaiz、 ndaem caz daengj, caenh’itbouh caepmaenh gya’gvangq gij cingzgoj vutgungz gunggeng caeuq lajmbanj hwnghoengh doxciep ndeindet, baujmaenh mbouj hawj dingzlai vunz ndaej vutgungz haenx dauq bienq gungz, vih cienzmienh doinyoengx lajmbanj hwnghoengh dwkroengz giekdaej maenhsaed.

(Ciengj Yauz)