Geij bi neix doxdaeuj, Gvangjsih Minzcuz Yijvwnz Yenz- giu Cunghsinh gag rox dangq“fugsaeh gij bumwnz guh hong vah saw minzcuz gak si yen（si、gih）hoiz Gun baenz Cuengh” baenz gij saehcaen guh hagsib son’gyauq lizsij aendangj“gou vih vunzlai banh saehcaen”; guh sat gij hong bonjfaenh le, gaenxmaenx coengh gij bumwnz guh hong vah saw minzcuz gak si yen（si、gih）mbouj miz vunz roxnaeuz mbouj gaeuq vunz guh hong hoiz Gun baenz Cuengh de guhhong. Daj bineix doxdaeuj, coengh Nanzningz、Vuzcouh、Gveigangj、Yilinz、Bwz- haij、Fangzcwngzgangj、Laizbinh daengj si hoiz 1400 diuz saw; ndawde baudaengz gij saw gven- daengz hagsib son’gyauq lizsij aendangj、 hagsib caeuq lwnh vunzlai rox gij cingsaenz gangj- vah caeuq vixyinx youqgaenj Siz Ginbingz youq mwh cazyawj Gvangjsih gangj ok de、aen hozdung“sam nyied sam Bouxcuengh”, vanzlij aenyaenq、gaiqbaiz danhvei daengj.

（Moz Binh）