5 nyied 12 hauh daengz 13 hauh, bouxsuhgi Swcigih Dangjveij、boux- cujyin Swcigih Yinzda Cangzveijvei Luz Sinhse daengz Hozciz Si haeuj gak dieg cazyawj caeuq okmaeuz. De gangj vah dawznaek gijneix, gyalaeg ciuq gij vah youqgaenj caeuq gij cingsaenz vixyinx youz Siz Ginbingz cazyawj Gvangjsih le gangj de guh- daengz caezcup, hwnqguh aen Guengjsae gyaeundei sevei cujyi miz gij daegsaek Cungguek seizdaih moq lai vaiq dem, ceiq youqgaenj dwg aeu haenqrengz doinyoengx ginghci hwngfat ndeindet、gya vaiq doinyoengx lajmbanj hwnghoengh、lai hawj vunzlai youq ndei gwn van dem. Cijmiz guhhoengh lajmbanj ndeindet、doinyoengx ginghci hwngfat ndeindet, vunzlai gwndaenj cijndaej bi ndei gvaq bi bae, vunzlai gvaqngoenz cijndaej ngoenz ndei gvaq ngoenz bae. Dangqnaj caeuq cieplaeng duenh ndeu, Hozciz aeu caencangq gyalaeg hagsib lwnhrox caeuq ciuq gij vah youqgaenj caeuq gij cing- saenz vixyinx Siz Ginbingz cungj- suhgi de guhdaengz caezcup, dangq gijneix baenz aen cwngci yinvu ceiq daeuz, lai yiemz lai saed guhdaengz caezcup, haenqrengz doi- nyoengx ginghci ndawbiengz hwngfat ndeindet, baenzsaeh ndeindet angq- hoh aendangj laeb ndaej 100 hop- bi.

（Cinz Yizcwz）