Mboengqneix, Bwzswz Si caeuq Yinznanz Swngj Vwnzsanh Couh、Cauhdungh Si、Gizcing Si、Sih- sanghbanjnaz Couh dinghlaeb le aen lenzmungz gunghyoz Gvangjsih Yinznanz song swngj(gih) haj si (couh) cauhlaeb minzcuz doxgiet baenaj.

Haj si(couh) daj gyaeuj daengz rieng cungj yaek genhciz aeu aen- dangj dazyinx, hagsib gvancez Aen Swhsiengj Sevei Cujyi Miz Gij Daegsaek Cungguek Seizdaihmoq Siz Ginbingz, dem gij cingsaenz gangjvah gvendaengz hongsaeh minzcuz youq- gaenj Siz cungjsuhgi, dawz gij hong- saeh cauhlaeb minzcuz doxgiet baenaj guh ndaej cienzmienh、guh ndaej laeg、guh ndaej nanz, laebdaeb cauhmoq caeuq hwngfat gij hongsaeh cauhlaeb song swngj(gih) haj si (couh).

Haj si(couh) aeu gyalaeg nei- yungz cauhguh, yungh lai yiengh hingzsik guh hong, hawj gvaengx- laengx cauhlaeb engq gvangq, mbouj duenh cukmaenh gij eiqsik caezcaemh Cunghvaz Minzcuz; laeb ndei bouj ndei aen gunghcoz gihci lenzmungz, lai doxgyau、doxbang, dox vuenh siusik、caezyiengj swhyenz、itheij diuzgaij mauzdun daengj hawj nyinhrox doxdoengz、bienqbaenz cidu, caez doi hongsaeh minzcuz hwngfat ndaej ndei ndaej nanz; doxcaeuq guh gij hozdung aeu son- gyauq lwnhgangj “Cunghvaz Minzcuz ranz caen ndeu, doengzsim caez cuk loqsiengj Cunghguek” guh cawjdaez, hawj gak cuz vunzlai song swngj (gih) haj si(couh) engq sugseg, coicaenh doxgiet.

Haj si(couh) aeu roengzrengz cauhlaeb aen ranzmbanj cingsaenz gak minzcuz doxcaemh ndeu, gyamaenh hwngfat aenbuenz ndei gak minzcuz caezhoz buekguh、huzndei doxmaij、doxhuz hwngfat haenx; aeu gyamaenh gij makbaenz cauhlaeb minzcuz doxgiet baenaj, henhoh ndei gij ndwenngoenz daihndei gak cuz vunzlai doxndei haenx, song swngj (gih) haj si(couh) caez daemh ok diuz roen moq bae cauhlaeb minzcuz doxgiet baenaj.

（Vuj Cunghgoz / 伍忠国）