5 nyied 7 hauh, Aen Daihhoih Cungjgez Haenhndei Daengx Gih Gunggeng Duetgungz Caeuq Baijbouh Hongsaeh Gya’maenh Gyalai Hongbaenz Gunggeng Duetgungz Caeuq Guhhoengh Lajmbanj Doxciep Ndeindet youq Namzningz hai lo. Aen hoih neix hag laeg rox caez caemhcaiq ciuq gij vah youqgaenj Siz Ginbingz cungjsuhgi youq mwh hai Aen Daihhoih Cungjgez Haenhndei Daengx Guek Gunggeng Duetgungz gangj de、gij vah youqgaenj caeuq gij cingsaenz vixyinx youz Siz Ginbingz cazyawj Gvangjsih le gangj de guhdaengz caezcup, ciuq gij gietdingh caeuq baijbouh cunghyangh guhdaengz caezcup, ngeux yawj daj Cibbet Daih Aendangj doxdaeuj gih raeuz guh gunggeng duetgungz ginggvaq gijmaz, baijbouh hongsaeh gya’maenh gyalai hongbaenz gunggeng duetgungz caeuq guhhoengh lajmbanj doxciep ndeindet, ciuheuh daengx gih gwnzgwnz lajlaj haenqrengz fatyiengz gij cingcaenz gunggeng duetgungz, buek haeuj seizdaih moq、hai guh hongsaeh moq, hawj hongsaeh guhhoengh lajmbanj lai vaiq, gyonjcomz rengz hung hwnqguh aen Guengjsae gyaeundei sevei cujyi miz daegsaek Cungguek seizdaih moq. Boux suhgi Swcigih Dangjveij、boux cujyin Swcigih Yinzda Cangzveijvei Luz Sinhse camgya hai hoih caemhcaiq gangjvah, boux fusuhgi Swcigih Dangjveij、boux cujsiz Swcigih Lanz Denhliz nda baez hoih neix, boux cujsiz Swcigih Cwnghez Sunh Daveij camgya hai hoih, boux fusuhgi Swcigih Dangjveij Liuz Siujmingz doeg gij gietdingh gvendaengz haenhndei.

（Cinz Yizcwz Gungh Vwnzyingj）