发挥好全国民族团结进步示范区带动作用

——习近平总书记视察广西激发全区人民巩固发展民族团结社会稳定边疆安宁新担当

“Gvangjsih dwg aen gih yiengh- banj daengx guek minzcuz caezhoz baenaj, aeu laebdaeb hawj de langh rengz yienghbanj caeuq daiqdoengh.”“Dangrap moq gya’maenh gya’ndei minzcuz caezhoz、ndawbiengz onj- dingh、henzguek caemdingh.”Siz Ginbingz cungjsuhgi cazyawj Gvangj- sih le gangj gij vah caeuq vixyinx youqgaenj neix, hawj Gvangjsih gak cuz ganbu ginzcung lai haenqrengz raeuh. Vunzlai doengzcaez naeuz, yaek lumj ngveih sigloux doxgot ndaetndwngq caemh youq, sim doxgyaez fwngz doxyien、caezhoz buekguh baenaj, guhdoih hawj Cunghvaz Minzcuz coglaeng hwngfat ndaej ndeindet, doengzdoih baengh minzcuz fukhwng hungmbwk youh lwenqda ndaejleih.

“Raeuz gyo cungjsuhgi gvansim cix miz rengz doinyoengx le aeu mbouj lau haemzhoj cungj yamq baenaj, yungh sim、yungh cingz、yungh rengz caiq guh hong minzcuz caezhoz lai ndei, caencingq guh hongsaeh lwnhrox caeuq son’gyauq vunzlai minzcuz caezhoz baenaj, mbouj dingz mbouj duenh hawj vunzlai cungj nyinh dwg aen Cunghvaz Minzcuz ndeu, hawj gyoengqvunz gak cuz doxgyau dox- doeng doxcaemh cix ngoenz beij ngoenz doxnem、ngoenz beij ngoenz doxgyaez.”Bouxgoyinz yienghndei daengx guek minzcuz caezhoz baenaj、bouxsuhgi Cunghvaz Cunghlu Segih Dangjveij Se Vazgenh baenzneix naeuz.

“Dangqguh yiengh rengz daeuz henhoh soujfuj ranghdieg Boux- cuengh bingzonj, dou gyoengq gungh’anh minzgingj itdingh laemx- sim guhhong, laebdaeb ciep meglwed cingsaenz boux gungcanjdangj, hen- hoh ranghdieg ndeu bingzonj, hawj vunzlai gak cuz youq onj maij hong.”Bouxsojcangj Nanzningz Si Cungh- sanh Baijcuzsoj Vangz Lij naeuz.

Bouxsaucangj Nazboh Yen Denhciz Gozfangz Minzbingh Sausoj Lingz Yangcenz dawz henzguek 40 bi nanz, bi 2019 ndaej heuhguh“boux buekguh ceiq gyaeundei”. Diuzhen henzguek ngutngeuj raez- rang, gyoengq sauyenz Bouxgun、Bouxcuengh daengj ndaw sausoj neix guhdoih cunz diuzhenz, mbouj lau dai lix cungj dingjguh gvaqdaeuj. “Gou cungj dingjguh dawz ndei gizneix, vih guekgya dawz henz, vih vunzlai dangrap.”Lingz Yangcenz naeuz.

（Gvangjsih Yizbau）