4 nyied 27 hauh banhaet, Cunghgung Cunghyangh cungjsuhgi、Guekgya cujsiz、Cunghyangh Ginhveij cujsiz Siz Ginbingz daeuj daengz Gvangjsih Minzcuz Bozvuzgvanj——youq henz Dah Yunghgyangh ndaw Nanzningz Si, ngonzyawj gij langhbaij vwnzva Bouxcuengh. Youq baihrog bozvuzgvanj, gij hozdung minzcuz vwnzva lumj“ciet hawfwen”sam nyied sam daengj ngamj youq gizneix comz guh.

Siz Ginbingz gangjvah dawznaek gijneix, Gvangjsih dwg aen gih yienghbanj daengx guek minzcuz caezhoz baenaj, aeu laebdaeb langh ndei gij rengz yienghbanj caeuq daiqdoengh. Gak minzcuz doengzdoih caezhoz baenaj、guhdoih mwnhoengh hwngfat dwg diuzmingh、goengrengz Cunghvaz Minzcuz, raeuz guh hongsaeh moq gizgiz aeu hwnq baenz aen guekgya sevei cujyi yendaiva, ndawde mbouj ndaej noix aen minzcuz lawz, gak cuz lwgminz aeu fwngz doxyien sim doxgyaez、caezhoz buekguh baenaj, guhdoih hawj Cunghvaz Minzcuz coglaeng hwngfat ndaej ndeindet, doengzdoih baengh minzcuz fukhwng hungmbwk youh lwenqda ndaejleih.

（Gyauz Yaujyingz Lij Sienghbingz Mung Cinhingh）