●Mboengqneix, Swcigih Caizcwngdingh lwnh vunzlai, bineix geiqdoh daih’it daengx gih caizcwng souhaeuj 858.34 ik maenz, beij bi’gvaq caemh duenh gyalai 14.8%，beij bi’gyai caemh duenh gyalai 9.6%，song bi bingzyaenz gyalai 4.7%.

（Couh Hungzmeiz）

●Mboengqneix, Nanzningz Haijgvanh lwnh vunzlai, bineix geiqdoh daih’it Gvangjsih caeuq rogguek gaicawx gungh baenz 1385.1 ik maenz, beij bi’gvaq caemh duenh gyalai 50.7%，gij gyalai de beij daengx guek lai 21.5%. Ndawde, gai okbae ndaej 788.3 ik maenz, beij bi’gvaq caemh duenh gyalai 64.1%； cawx doxhaeuj bae 596.8 ik maenz, beij bi’gvaq caemh duenh gyalai 36%.

（Gangh Anh）

●Mboengqneix, Hozciz Si Gyauhdungh Yinsuh Giz lwnh vunzlai, bineix geiqdoh daih’it aen si neix gyonjsuenq roengzcienz 65.3 ik maenz, guhsat gij yinvu gaxgonq dingh de 142%.

（Liu Ginlingz）

●Ciuq gyoebsuenq mbouj liux, suenq daengz 3 nyied daej, Gveigangj Si Cinzdangz Gih gij gunghyez baenz gveihmoz doxhwnj de cungjcanjciz miz 95.8 ik maenz, beij bi’gvaq caemh duenh gyalai 29.2%，gunghyez ginghci bauj hwngfat ndeindet.

（Dangz Cwngfangh）