4 nyied 20 hauh daengz 22 hauh, Gozgyah Minzveij Genhduz Genjcazswh、Swcigih Minzcunghveij daengj bae Fuconh Yauzcuz Swciyen gaujcaz diuyenz gij hong cauhlaeb minzcuz doxgiet baenaj. Diuyenzcuj saeddieg gaujcaz le gij ranzsaw、coengceiz gaeuqgeq, yawj le segih “aen ranz minzcuz”caeuq Fuconh Yauzcuz Bozvuzgvanj, ngonzyawj le foux gyongraez、fwen godangz Yauzcuz daengj minzsug biujyienj. Diuyenzcuj nyinhnaeuz, Fuconh aeu laebdaeb bouh ndei gij gunghcoz gihci, hai vat daegsaek vwnzva minzcuz, aeu banhfap moq bae guh hong, guh yienghndei bae daiqdoengh gij hong cauhlaeb. Fuconh youq bi 2021 aeu ndaej aen mingzdaeuz daengx guek minzcuz doxgiet baenaj sifanyen. Baezlaeng Fuconh aeu engq roengzrengz, aeu biucinj engq sang bae raiz bien minzcuz doxgiet baenaj moq.

（Cau Ginhbinh Dwng Vangzyi Lij Sezyiz / 赵金宾 邓黄玉 李雪仪）