Youh daengz bi baez“sam nyied sam Bouxcuengh”. Youq seizcin doxiu, Gvangjsih gak dieg guh lai cungj lai yiengh hozdung, boux hekyouz ndaw- gih caiq daengz daengx guek、rogguek gyonj daeuj lailai, maez youq gizneix, vunz cien vunz fanh caez eu hot fwen daih doxcomz、daih caezangq、daih caezhoz、daih hwngfat.

Siz Ginbingz cungjsuhgi miz vah dawznaek, “hawj gak cuz lai caezhoz aeu miz bingzdaiz caeuq banhfap moq”. Swcigih Dangjveij、Cwngfuj vihliux hengz caez aen hwngfat leixniemh moq, ok bingzdaiz caeuq banhfap moq hawj gak cuz lai caezhoz, couh dawz aen ciet“sam nyied sam Bouxcuengh”bonj dwg ciet ndawbiengz neix yaeuqhwnj baenz aen ciet fapdingh, banh baenzroix hoz- dung“sam nyied sam bouxcuengh·aen ciet hoengh Gvangjsih”, baenzneix guh ndeileih gak minzcuz doxbaedauq dox- doeng doxcaemh, mboujdan ndeileih vunzlai ciepcienz caeuq fatyiengz gij vwnzva geq ndeindet Cunghvaz Minzcuz, youh lai ndeileih hongsaeh dingj hawj vunzlai cungj nyinh dwg aen Cunghvaz Minzcuz ndeu.

Guh ciet geq mboujdan aeu ciepcienz vwnzva geq, caiqlij mbouj duenh cauhmoq, supyinx lai lai vunz daegbied lai sup bouxcoz caemh guh. Geij bi doxgyawj neix, “sam nyied sam Bouxcuengh”laebdaeb gyalai ok banh- fap cienzboq, gyalai miz doxgaiq seizdaih, hawj ban bouxcoz sim riengz caemh guh. “Daxmeh heuh gou dauq- bae eu fwen lo, mboujnex mbanj dou couh saw lo.”Gwnz vangj miz gij coenz mizyinx neix, dwg gij vah ceiq ngamj gangj cingcuj le ban bouxcoz ndawsim gag nyinh caeuq gyaezmaij“sam nyied sam Bouxcuengh”.

Bineix, “sam nyied sam Boux- cuengh·aen ciet hoengh Gvangjsih”ndaej hawj daengx Gvangjsih 5700 fanh vunz daih doxcomz guh’angq. Gyoengqvunz gak cuz daenj ndang- daenj minzcuz, eu fwen goksasa, roq gyong youh roq laz, langhbaij gij yienghsiengq moq Gvangjsih dieg ndei baenzyouq、gyaez hek maij hek、caezhoz doxngamj.

（ciuq Gvangjsih Yizbau）