4 nyied 25 hauh banhaet, Siz Ginbingz cungjsuhgi daeuj daengz Gvangjsih Gveilinz Si Cenzcouh Yen Caizvanh Cin, daengz Gizdieg Geiq- niemh Hungzginh Cangzcwngh Hoenx Ciengz Ciengq Sienghgyangh, naek- cingz siengjniemh boux gwzming lezsw、laebdaeb ciep meglwed cing- saenz boux gungcanjdangj. Cieplaeng, Siz Ginbingz daengz Caizvanh Cin Mauzcuzsanh Cunh, cazrox gij hong- saeh doinyoengx guhhoengh lajmbanj、guenjleix caengzdaej daengj baenz- lawz yiengh. Ngoenzde lajbyongh- ngoenz, Siz Ginbingz daengz dieg cazyawj Dah Lizgyangh duenh Yangz- soz rox hongsaeh cunghab guenjleix、henhoh swnghdai ranghdieg Dah Lizgyangh guh ndaej baenzlawz yiengh.

Youq mwh ngonzyawj Gizdieg Geiqniemh Hungzginh Cangzcwngh Hoenx Ciengz Ciengq Sienghgyangh, Siz Ginbingz naeuz, Ciengz Ciengq Sienghgyangh dwg Hungzginh Cangz- cwngh ndawde ciengz ciengq vut mingh buek hoenx ndeu, dwg gienh- saeh lizsij youqgaenj ndeu, ndaej satdingh Cunghgoz gwzming dai rox lix. Gyoengq guenbing Hungzginh mbouj lau daimingh、dai lix cungj buek、cung bae fozfoz, laemxsim mbouj bienq cij baenzsaeh. Vihmaz Cunghgoz gwzming ndaej baenzsaeh? Aen dauhleix raeblaeng de couh dwg miz aen siengjmuengh gwzming sang gvaq mbwn bae, youq mwh ceiq hojguh dingj guh mbouj cuengqfwngz, baenzneix guh cij ndaejhingz ngeix hix ngeix mbouj daengz. Raeuz guh hongsaeh hawj gij dajsuenq youq bak bi laeng buekguh、hawj Cunghvaz Minzcuz fukhwng hungmbwk ndaej baenzsaeh, wnggai laemxsim saenq hingzdingh. Caiq hojguh, cungj ngeix yawj Hungzginh Cangzcwngh, ngeix yawj Ciengz Ciengq Sienghgyangh.

（Cangh Yaujsungh Cuh Gihcaih raiz Giz Bungz ingj）