Bae guh cienzsiu, baenzlawz ndaej ha. Nanzningz Cinghsiusanh、 Vujsieng Gvangjcangz, Fangzcwngzgangj Haijyangz Gunghyenz, Gailaux Bwzhaij, ciengzseiz miz haujlai hekyouz najaek venj gaiq baizngonzyawj, gyoengqde dingzlai dwg daj Baekfueng daeuj, deng gyoengq caencik、baengzyoux、doengzhag、doengzsaeh yungh gij mingzdaeuz “caeuqfaenh Bwzbuvanh daih haihfat”“gienqnaeuz” daengz Guengjsae, deng “swhbwnj yincoz” cungj “faplauzgim” neix maezvaeg, lumj guk iek coemj gwn nei, ganj daeuj foenfoen, loqsiengj miz saek ngoenz ndaej benz hwnj gwnz dapdingj “cienzsiu vuengzguek” bae. Gyoengqde codaeuz cungj dwg deng aen banci ndeu rag daengz Nanzningz、Bwzhaij、Fangzcwngzgangj daengj dieg henz laeuzbuenz roxnaeuz dieggingjsaek mizmingz, lumj lijyouzdonz nei, gyukhuhu. “Bouxdaujyouz” gyoengqde daj gyaeuj daengz byai, cij guh gienh saeh ndeu, couhdwg gig saenzmaed dwk lwnh gyoengqde nyi, gij laizlig doengh aen laeuzbuenz caeuq dieggingjsaek neix——Doengh aen laeuz- buenz caeuq dieggingjsaek neix, moix giz cungj miz seiqlig guenfueng giengzak cingq daemxcengj. Ngeuq cienz lawz dip vax lawz doengh aen laeuzbuenz neix, ngauq rin lawz aen diuhsiengq lawz doengh giz dieggingjsaek neix, cungj hamzmiz gij banhfap fatcaiz. Gyonjdaeuj gangj, mbouj dwg miz haeuhdaiz, couh dwg fungsij ndei, neix caen “Cungguek” raixcaix. Cienq gvaengx ndeu le, miz vunz deuzbae, miz vunz louz roengzdaeuj. Gou miz boux doengzhag Baekfueng ndeu, miz bi ndeu deng yaeuh daengz Nanzningz, youq gwnz banci lijyouz deng swiq uk geij ngoenz le, cij siengj daengz daeuj ra gou, gou bae ciep de, byaij daengz “Dizbai Caetsing Ciujden” ndongqmyanmyan henz Daihloh Cuzhih seiz, de doiq gou naeuz, doengh laeuz neix, dwg ranz moux boux vunz bw. Bouxvunz de dwg bouxdaeuz guekgya. Gou sikhaek couh naeuz de deng yaeuh lo. Seizneix de lij simmaez youq ndaw fangzhwnzloq fatcaiz bonjfaenh, daj ndaw daeh mbon ok geij fuk cih bonjfaenh gag sij haenx, naeuz yaepdi roengz ci le, mwngz ra aen youzyaenq ndeu, gou gaiq yaenqcieng hawj mwngz, fuk cih ndeu dij fanh maenz ngaenz bw. De dwg suhfazgyah gou lijdwg baez daih’it rox bw, gou siengj daej siengj riu, youh mbouj ndaej doi de, roengz ci le, gou ra daeuj aen youzyaenq ndeu, de lumh ok yaenqcieng, dinjdinj cib geij miux, gou couh miz fuk cih dij geij fanh maenz ngaenz he. Danhfanz dwg doengh bouxvunz deng cienzsiu swiq uk gvaq haenx, mboujguenj gij doxgaiq lawz, youq ndaw lwgda gyoengqde, cungj gai ndaej bengz, couhcinj dwg gij cih gig yakyawj haenx.

Gou mbouj rox daeglwg Suimingz Sauyungj dwg cungj yienghsiengq lawz, itbuen doenghgij vunz guh cienzsiu haenx, cungj dwg vunz diegrog, de boux vunz bonjdieg ndeu, baenzlawz miz eiqsei bae byaij roenloeng, doeklaeng bienqbaenz “mbouj baenz yungh” ne. Gou sim’in Suimingz, bouxdaj- sauq lajmbanj ndeu, miz daeg lwg guh cienzsiu ndeu, gij ciknieb song bohlwg doxca ndaej haenq lai lo, boux ndeu youq gwnznamh vat gwn, boux ndeu siengj hwnj gwnzmbwn mbaet ndaundeiq, de laihnaeuz bonjfaenh dwg hangzdenhyenz. Sauyungj aiq siengj rag daxboh de bae caeuqfaenh guh cienzsiu luba.

Caen dwg yienghneix. Cunhcujyin naeuz, Suimingz vunz lauxsaed, youq ndawmbanj gyoengq- vunz cungj haengj caeuq de dox baedauq, Sauyungj siengj doenggvaq de youq ndawmbanj fazcanj bouxbaihlaj, Suimingz mbouj haeujhongx, Sauyungj hujheiq dangqmaz, song bi cungj mbouj ma ranz, doeklaeng lijdwg gingjcaz bang, vatcawz aen rongz cienzsiu bae le, cij “soengq”Sauyungj ma daengz ndawmbanj.

Cujyin naeuz, Sauyungj ma daengz ranz, gwn haeux le couh ninz, ndiusingj le couh gwn, bienqbaenz boux vunzgik ndeu lo. Ceiq yaek aeumingh dwg, Sauyungj mbouj leixlangh bohmeh nem sojminz vunzmbanj. Lumj boux vunzngoemx ndeu nei, mbouj gangj vah. Geij ngoenz gaxgonq, Suimingz naeuz de song gawq, Sauyungj gingqyienz aeu caxiq gvej gij gengoenh bonjfaenh, caeklaiq raen ndaej vaiq, mboujnex saeh couh hung lo. Geij ngoenz neix, Suimingz ngoenzngoenz hensouj Sauyungj dwk, caen lau caiq miz gijmaz saeh okdaeuj. Gij veiswngh ndawmbanj mbouj miz vunz leixlangh le, itloh cungj dwg haexvaiz……

Cujyin naeuz, mwngz dwg daj Nanzningz daeuj, mwngz bangbang Suimingz, bae gienqgienq Sauyungj, yungh dai daeuj haephangz goenglaux bonjfaenh, neix mbouj dwg vunzvaih ha.

Suimingz youq benz de ngaek gyaeuj swgswg.

Neix couhdwg gij moegdik cunhcujyin daiq gou daeuj ranz Suimingz, de hawj gou siengj banhfap, gienqnaeuz bouxcoz ndeu gaxgonq loemq haeuj ndaw hongx cienzsiu bae, dauqcungz ma daengz ndawbiengz, ra cienz ciengx ranz.

Neix dwg gij hong daih’it gou roengzmbanj daeuj banggungz.

Suimingz cimyawj gou, youq ndaw lwgda de, gou couh dwg boux canghyw ndaej gouqmingh haenx.

Mizdi nanz he, bingzseiz youq ndaw danhvei, gou cungj mboujhaengj caeuq vunz gangjvah, gou soj naeuz gij “gangjvah”, mbouj dwg doengh cungj gangjgoj guhhek、leixmauh haenx, doengh cungj gangjvah haenx gou hix rox, gou naeuz doenghgij gangjvah haenx couh dwg gaej seizbienh couh mbon sim okdaeuj hawj vunz yawj, couhcinj dwg baengzyoux ceiq ndei. Saehndei hix ndaej saehrwix hix baenz cungj aeu bonjfaenh gag yo ndei. Saehndei bouxwnq mbouj seizbienh couh hozhaenz mwngz, saehrwix hix mbouj miz vunz bang ndaej mwngz. Sojgangj faenyiengj, mbouj dwg angjnaj couh dwg geqhaemz, youq ndaw lwgda gou, cungj dwg gag najnyaenq hane. Bae gienq Sauyungj dauqma ndawbiengz, doenghgij vah venj youq gwnz sang, mbouj in mbouj humz ndaw densi ciengzseiz gangj haenx, haengjdingh mbouj miz maz yungh, danghnaeuz gou dwg Sauyungj, miz vunz daeuj baenzneix gienq gou, aiq cix mbouj baenz saeh, dauq hawj gou engqgya giendingh gij gietsim baenz ciuh vunz laebdaeb guh cienzsiu dang ciknieb bw.

（3）

去搞传销，那还得了。南宁的青秀山、五象广场，防城港的海洋公园，北海的老街，经常有很多胸口挂着观光牌的游客，他们多是来自北方，被自己的亲戚、朋友、同学、同事以“参加北部湾大开发”的名头，“劝说”来到广西，被“资本运作”这样的“捞金术”所迷感，饿虎扑食一样赶来， 梦想有朝一日能登上“传销王国”金字塔的塔端。他们最初都是被一辆大巴拉到南宁、北海、防城港等地著名的楼盘或者景点旁边，旅行团一样轰轰烈烈。他们的“导游”从始至终，只干一件事，就是很神秘地告诉他们这些楼盘和景点的来历——这些楼盘和景点，每处都有强大的官方势力在支持。这些楼盘的哪一块砖哪一片瓦，景点的哪一块石头哪一尊雕塑，都隐含着发财的门道。总之，不是有后台，就是风水好，这很“中国”。一圈转下来，有人离开，有人留下。我的一个北方同学，有一年被骗到南宁，在旅游大巴上被洗了几天脑，才想到要来找我，我去接他，途经竹溪大道边上金光闪闪的“迪拜七星酒店”，他对我说，这个房子，是某某家的。某某是国家领导人。我当场就说他被骗了。这时候他还陶醉在自己的发财梦里，从包里拿出他自己写的几幅字，说下车后，你找个印油，我给你盖章，一幅字值一万块钱呢。他是书法家我还是第一次知道，我哭笑不得，又不好拒绝，下车后找了个印油，他摸出印章，短短十几秒，我就拥有价值几万块钱的字。凡是被传销洗过脑的人，不管什么物件，在他们眼中，都可以卖大钱，哪怕是很丑陋的字。

我不知道瑞明的儿子绍永是怎样的一种情况，一般搞传销的大多都是外地人，他一个本地人，怎么好意思去走邪路，最后变得“不成用”呢。我心疼瑞明，一个乡村清洁员，有一个搞传销的儿子，父子俩职业差距也太大了，一个在地上刨食；一个想天上摘星，他以为他是航天员。绍永不会想连他爸都拉去入伙吧。

真是这样。村主任说，瑞明人老实，在村里人缘很好，绍永想通过他在村里发展下线，瑞明没有上当，惹恼了绍永，两年不回来，后来还是警察帮忙，端了传销的窝，才把绍永“遣送”回村里。

主任说，绍永回家后，吃了睡，睡了吃，成了一个懒汉。最最要命的是，他跟他爸爸，他妈妈，跟所有的人零交流。哑巴一样不说话。前几天，瑞明说了他几句，他竟拿刀片割自己的手腕，幸亏发现得早，要不事情就大了。瑞明这几天天天守着绍永，生怕再出什么意外。村里的卫生没人理，一路都是牛粪……

主任说，你是从南宁来的，你帮一帮瑞明，去做绍永的工作，拿死来威胁老头子，这不是坏人吗。

瑞明在一边连连点头。

这就是村主任带我来瑞明家的目的，他要我想办法，劝说一个曾经深陷传销迷局的年轻人，重新回归社会，替父分忧，挣钱养家。

这是我下乡扶贫的第一个任务。

瑞明看着我，在他眼里，我是那个能救命的郎中。

这有点难，我平时在单位，懒得跟人说话，我说的“说话”不是那种客气的、礼貌性的聊天，那样的聊天我也会，我说的说话就是不要轻易跟人掏心窝，哪怕是最好的朋友。好事也好不好的事也好都要自己藏好。好事别人不会轻易羡慕你，不好的事也没有人帮得上忙。所谓的分享，不是炫耀就是诉苦，在我眼里都是自取其辱。去劝绍永回归社会，高高在上，无关痛痒地说些电视上经常播的话，肯定不起作用，如果我是绍永，有人来这样劝我，可能会适得其反，会更加坚定我终生以传销为业的决心。

(3)