Bonjbauq siusik（gicej/Dangz Lungz）4 nyied 7 hauh, Swcigih Cwngfuj Sinhvwnzban youq Namzningz hai Aen Hoih Lwnh Saehmoq “Sam Nyied Sam Bouxcuengh·Aen Ciet Hoengh Gvangjsih”Bi 2021. Miz bouxfucwz Swcigih Dangjveij Senh- conzbu lwnh vunzlai gij cungjdaej cingzgvang gvendaengz Aen Hozdung Binjbaiz Siuyungh Vwnzva Lijyouz“Sam Nyied Sam Bouxcuengh·Aen Ciet Hoengh Gvangjsih”Bi 2021, miz bouxfucwz Swcigih Vwnzva Caeuq Lijyouz Dingh、Dijyuzgiz、Sanghvudingh、Minzcunghveij gak boux gak lwnh yiengh hozdung daeuz ndeu (gungh haj yiengh), gyoengqde cingznaek cingzna caensim doxiu gak boux beixnuengx ndawbiengz daeuj Gvangjsih angq gvaq ciet“Sam Nyied Sam Bouxcuengh”.

Bineix Gvangjsih angqhoh Cunghgoz Gung- canjdangj laeb ndaej 100 hopbi guh hozdung senhconz caeuq son’gyauq vunzlai“cungj riengz dangj byaij”, ndawde Aen Hozdung“Sam Nyied Sam Bouxcuengh·Aen Ciet Hoengh Gvangjsih”Bi 2021 dwg aen hozdung youqgaenj ndeu. Aen hozdung youqgaenj neix aeu“gyo aendangj riengz dangj byaij”guh cawjdaez.

Baih hai hoih lwnh gicej rox, duenh comz guh Aen Hozdung“Sam Nyied Sam Bouxcuengh·Aen Ciet Hoengh Gvangjsih”Bi 2021 de dwg 4 nyied 14 hauh daengz 5 nyied 14 hauh, youq duenh neix daengx gih 14 aen si gungh yaek guh 1000 lai ciengz hozdung.

Ciuq vunz lwnh, ngoenzde Gvangjsih caemh youq Baekging guh Aen Hozdung Hawj Vunz Lai Rox“Gyo Aendangj Riengz Dangj Byaij——Sam Nyied Sam Bouxcuengh Doxiu Youz Gvangjsih”, daj neix couh hai guh le Aen Hozdung Binjbaiz Siuyungh Vwnzva Lijyouz“Sam Nyied Sam Bouxcuengh·Aen Ciet Hoengh Gvangjsih” Bi 2021.

Boux beixnuengx lawz yaek rox cingcuj gij hozdung daeuz ndawde ne couh ciuq aen vangjcij neix —— http://www.gxmzb.net/content/2021-04/08/content_9411.htm—— hwnj Gvangjsih Minzcuz Bau Vangj bae yawj.