（2020 nienz 5 nyied 28 hauh youq gwnz Gaiq Cibsam Daengx Guek Yinzminz Daibyauj Daihhoih Baez Hoih Daihsam doenggvaq）

Diuz itbak ngeihcib it Doengh boux mbouj miz gij yivu fapdingh roxnaeuz iekdingh，vih mbouj hawj gij leih’ik bouxwnq deng sonjsaet cix bae guenjleix haenx， miz gienz cingjgouz bouxsouh’ik dienzboiz gij cienz yungh bae guenjleix haenx.

Diuz itbak ngeihcib ngeih Aenvih bouxwnq mbouj miz gij gaengawq faplwd，aeundaej gij leih’ik mbouj habdangq，boux deng sonjsaet miz gienz cingjgouz de fanjdauq gij leih’ik mbouj habdangq.

Diuz itbak ngeihcib sam Ndangcawj minz- saeh eifap yiengjmiz cihsiz canjgenz.

Cihsiz canjgenz dwg bouxgienzleih eifap doiq gij hekdaej lajneix yiengjmiz cungj gienzleih cien- miz：

（It）Cozbinj；

（Ngeih）Fatmingz、gij yienghmoq saedyungh、gij yiengh sezgi；

（Sam）Siengbiu；

（Seiq）Gij geiqhauh deihleix；

（Haj）Gij maehmaed siengnieb；

（Roek）Ndaveh cizcwngz denlu；

（Caet）Gij binjcungj go moq；

（Bet）Gij hekdaej wnq faplwd gvidingh.

Diuz itbak ngeihcib seiq Swyenzyinz eifap yiengjmiz gienzciepswnj.

Gij caizcanj seimiz habfap swyenzyinz，ndaej eifap ciepdawz.

Diuz itbak ngeihcib haj Ndangcawj minzsaeh eifap yiengjmiz gujgenz caeuq gij gienzleih daiqmiz yiengh singqcaet douzswh wnq.

Diuz itbak ngeihcib roek Ndangcawj minz- saeh yiengjmiz gij gienzleih minzsaeh caeuq gij leih’ik wnq faplwd gvidingh.

Diuz itbak ngeihcib caet Faplwd doiq bauj- hoh gij soqgawq、gij caizcanj gyajdingh gwnz vangj miz gvidingh ne，ciuq gij gvidingh de guh.

Diuz itbak ngeihcib bet Faplwd doiq baujhoh gij gienzleih minzsaeh bouxcaengzhung、boux- nienzgeq、bouxndangcanz、mehmbwk、bouxsiufeiq daengj miz gij gvidingh daegbied ne，ciuq gij gvidingh de guh.

Diuz itbak ngeihcib gouj Gij gienzleih minz- saeh ndaej gaengawq gij saeh hengzguh faplwd minzsaeh、yienghsaeh caensaed、gij saehgienh faplwd gvidingh roxnaeuz gij fuengsik wnq faplwd gvidingh de aeundaej.

Diuz itbak samcib Ndangcawj minzsaeh ciuq gij eiqnyienh bonjfaenh eifap hengz gij gienzleih minzsaeh，mbouj deng yiengh wnq capfwngz、gauxca.

Diuz itbak samcib it Mwh ndangcawj minz- saeh hengz gij gienzleih minzsaeh，wngdang hengz gij yivu faplwd gvidingh caeuq gij iekdingh boux- nangqsaeh.

Diuz itbak samcib ngeih Ndangcawj minz- saeh mbouj ndaej luenhyungh gij gienzleih minzsaeh sonjhaih gij leih’ik guekgya、gij leih’ik ndaw- biengz doengzcaemh roxnaeuz gij gienzik habfap bouxwnq.

Cieng Daihroek Gij Yiengh- saeh Hengzguh Faplwd Minzsaeh

Ciet Daih’it Gvidingh Baeznaengz

Diuz itbak samcib sam Gij yienghsaeh hengzguh faplwd minzsaeh dwg gij yienghsaeh ndangcawj minzsaeh doenggvaq gangj ok eiqsei ndalaeb、bienqvuenh、satdingz gij gvanhaeh faplwd minzsaeh.

Diuz itbak samcib seiq Gij yienghsaeh hengzguh faplwd minzsaeh ndaej aeu song mbiengj roxnaeuz lai mbiengj gangj ok eiqsei doxdoengz laebbaenz，hix ndaej aeu gij gangj ok eiqsei mbiengj ndeu laebbaenz.

Fazyinz、aen cujciz mbouj dwg fazyinz ciuq gij fuengsik ngeixsaeh caeuq gij bouhloh biujgiet faplwd roxnaeuz canghcwngz gvidingh guh ok gezyi ne， aen gezyi hingzveiz haenx laebbaenz.

Diuz itbak samcib haj Gij yienghsaeh hengzguh faplwd minzsaeh ndaej yungh gij hingzsik okcih、gij hingzsik bakgangj roxnaeuz gij hingzsik wnq；faplwd、fapgvihingzcwng gvidingh roxnaeuz bouxnangqsaeh iekdingh yungh gij hingzsik daeg- dingh ne，wngdang yungh gij hingzsik daegdingh.

Diuz itbak samcib roek Gij yienghsaeh hengzguh faplwd minzsaeh youq mwh laebbaenz couh suenqsoq，hoeng cawz ok yiengh faplwd lingh miz gvidingh roxnaeuz bouxnangqsaeh lingh miz iekdingh.

Bouxhengz mbouj dwg ciuq gvidingh faplwd roxnaeuz caengz ndaej doiqfueng doengzeiq，mbouj ndaej gag bienqvuenh roxnaeuz gejcawz gij yiengh- saeh hengzguh faplwd minzsaeh.

Ciet Daihngeih Gangj Ok Eiqsei

Diuz itbak samcib caet Gangj ok eiqsei dwg yungh doiqvah guh ok ne，youq mwh bouxdoxdoiq rox gij neiyungz de suenqsoq.

Gangj ok eiqsei mbouj dwg yungh doiqvah guh ok de，youq mwh daddaengz bouxdoxdoiq suenqsoq. Gangj ok eiqsei yungh soqgawq dienhfaenz cungj hingzsik mbouj dwg doiqvah de, bouxdoxdoiq ceijdingh gij hidungj daegdingh ciepsouh soqgawq dienhfaenz ne, youq mwh gij soqgawq dienhfaenz haenx haeujdaengz gij hidungj daegdingh de suenqsoq； mbouj ceijdingh gij hidungj daegdingh ne,youq mwh bouxdoxdoiq roxyiuj roxnaeuz wngdang roxyiuj gij soqgawq dienhfaenz haeujdaengz aen hidungj de suenqsoq. Bouxnangqsaeh doiq yungh soqgawq dienhfaenz bae gangj ok eiqsei seizlawz suenqsoq lingh miz iekdingh ne, ciuq gij iekdingh de guh.

Diuz itbak samcib bet Gangj ok eiqsei mbouj miz bouxdoxdoiq, youq mwh gangj ok guhbaenz suenqsoq. Faplwd lingh miz gvidingh ne, ciuq gij gvidingh de guh.

Diuz itbak samcib gouj Gangj ok eiqsei yungh goenggauq guh ok de, youq mwh fatbouh goenggauq suenqsoq.

Diuz itbak seiqcib Bouxhengz ndaej mingz- beg gangj ok roxnaeuz maegnyinh guh ok eiqsei biujsiq.

Maegnyinh cijmiz youq mwh miz faplwd gvidingh、 bouxnangqsaeh iekdingh roxnaeuz hab gij sibgvenq gaicawx ndawgyang bouxnangqsaeh，cij ndaej yawj baenz gangj ok eiqsei.

Diuz itbak seiqcib it Bouxhengz ndaej sou- dauq aen gangj ok eiqsei. Gij dunghcih soudauq aen gangj ok eiqsei wngdang youq aen gangj ok eiqsei daddaengz bouxdoxdoiq gaxgonq roxnaeuz caeuq gangj ok eiqsei doengzseiz daddaengz boux- doxdoiq.

第一百二十一条  没有法定的或者约定的义务，为避免他人利益受损失而进行管理的人，有权请求受益人偿还由此支出的必要费用。

第一百二十二条  因他人没有法律根据，取得不当利益，受损失的人有权请求其返还不当利益。

第一百二十三条  民事主体依法享有知识产权。

知识产权是权利人依法就下列客体享有的专有的权利：

（一）作品；

（二）发明、实用新型、外观设计；

（三）商标；

（四）地理标志；

（五）商业秘密；

（六）集成电路布图设计；

（七）植物新品种；

（八）法律规定的其他客体。

第一百二十四条  自然人依法享有继承权。

自然人合法的私有财产，可以依法继承。

第一百二十五条  民事主体依法享有股权和其他投资性权利。

第一百二十六条  民事主体享有法律规定的其他民事权利和利益。

第一百二十七条  法律对数据、网络虚拟财产的保护有规定的，依照其规定。

第一百二十八条  法律对未成年人、老年人、残疾人、妇女、消费者等的民事权利保护有特别规定的，依照其规定。

第一百二十九条  民事权利可以依据民事法律行为、事实行为、法律规定的事件或者法律规定的其他方式取得。

第一百三十条  民事主体按照自己的意愿依法行使民事权利，不受干涉。

第一百三十一条  民事主体行使权利时，应当履行法律规定的和当事人约定的义务。

第一百三十二条  民事主体不得滥用民事权利损害国家利益、社会公共利益或者他人合法权益。

第六章  民事法律行为

第一节  一般规定

第一百三十三条  民事法律行为是民事主体通过意思表示设立、变更、终止民事法律关系的行为。

第一百三十四条  民事法律行为可以基于双方或者多方的意思表示一致成立，也可以基于单方的意思表示成立。

法人、非法人组织依照法律或者章程规定的议事方式和表决程序作出决议的，该决议行为成立。

第一百三十五条  民事法律行为可以采用书面形式、口头形式或者其他形式；法律、行政法规规定或者当事人约定采用特定形式的，应当采用特定形式。

第一百三十六条  民事法律行为自成立时生效，但是法律另有规定或者当事人另有约定的除外。

行为人非依法律规定或者未经对方同意，不得擅自变更或者解除民事法律行为。

第二节  意思表示

第一百三十七条  以对话方式作出的意思表示，相对人知道其内容时生效。

以非对话方式作出的意思表示，到达相对人时生效。以非对话方式作出的采用数据电文形式的意思表示，相对人指定特定系统接收数据电文的，该数据电文进入该特定系统时生效；未指定特定系统的，相对人知道或者应当知道该数据电文进入其系统时生效。当事人对采用数据电文形式的意思表示的生效时间另有约定的，按照其约定。

第一百三十八条  无相对人的意思表示，表示完成时生效。法律另有规定的，依照其规定。

第一百三十九条  以公告方式作出的意思表示，公告发布时生效。

第一百四十条  行为人可以明示或者默示作出意思表示。

沉默只有在有法律规定、当事人约定或者符合当事人之间的交易习惯时，才可以视为意思表示。

第一百四十一条  行为人可以撤回意思表示。撤回意思表示的通知应当在意思表示到达相对人前或者与意思表示同时到达相对人。

（8 caengz sat）

（壮文稿由中国民族语文翻译局提供）