●4 nyied 1 hauh, Nanzningz Yinzsegiz ok siusik, bineix Nanzningz Si guh aen hozdung cienmonz couhdwg“rumzcin hengz- doengh”youq geij ngoenz gonq guhsat lo, ndawde gungh miz 3765 aen/baez giyez camgya caemhcaiq ok 26 lai fanh aen vihhong, gungh miz 1.74 fanh vunz caeuq gij danhvei aeu vunz de doxdingh ndei lo.

（Yangz Boh）

●4 nyied 2 hauh, ciuq Swcigih Gyauh- dunghdingh ok siusik, daengx gih geiqdoh daih’it roengzcienz mauhgvaq 480 ik maenz hwnqguh gyauh- dungh, beij bi’gvaq caemh duenh gyalai 297%, beij gij yinvu gaxgonq dingh de lai 20%.

（Vuz Libingz）

●Bineix 1 daengz 2 nyied, Bwzswz Si caeuq rogguek guh gaicawx 49.3 ik maenz, youq daengx gih baiz daihseiq; beij bi’gvaq caemh duenh gyalai 547.6%，youq daengx gih suenq de gyalai ceiq lai.

（Lingz Cungh）

●Suenq daengz bi- gvaq satbyai, Bingzsiengz Si gij gyaeujvunz hawsingz ciemq cungjsoq 73.36%, 10 bi doxriengz youq daengx gih cungj baiz daih’it.

（Cinz Mingzgvei）