4 nyied 2 hauh banhaet, Cungh- gung Cunghyangh cungjsuhgi、goz- gyah cujsiz、Cunghyangh Ginhveij cujsiz Siz Ginbingz youq soujduh guh yivu ndaem faex caemhcaiq giengz- diu, bi daengz seizneix, raeuz guh- doih guh yivu ndaem faex, couhdwg daiqdaeuz guh hawj vunzlai cungj gyaez、ndaem、hen faexrum heuswd, hawj vunzlai cungj rox dawzhwnj diuzrap ndaemfaex cauh ndoeng、hawj guekcoj heuswd, hawj vunzlai ndaw- biengz cungj gag rox guh, caez cauh diegyouq gyaeundei hawj vunz caeuq swhyienz huzndei caemhmaj.

Ngoenzde banhaet, gyoengq bouxdaeuz dangj caeuq guekgya Siz Ginbingz、Lij Gwzgyangz、 Liz Cansuh、Vangh Yangz、Vangz Huningz、 Cau Lozci、Hanz Cwng、Vangz Gizsanh daengj daengz giz ndaemfaex youq Bwzgingh Si Cauzyangz Gih henz Dahvwnhyiz, caeuq gyoengqvunz souj- duh guhdoih guh yivu ndaem faex.

Mwh dajndaem, Siz Ginbingz doiq gyoengq ganbu ginzcung caemh youq gyangciengz ndaemfaex de gangjvah, de naeuz bineix dwg bi guh yivu ndaem faex ndaej 40 hopbi lo. 40 bi doxdaeuj, daengx guek gak cuz lwgminz caezhoz gapguh、mbouj dingz mbouj duenh, benq diegdeih gvangqlangh guekcoj raeuz ngoenz beij ngoenz lai heu, diegyouq ndawsingz lajmbanj ngoenz beij ngoenz ndeiyawj, guek raeuz baenz aen guek ndoengfaex gyalai ceiq lai ndeu. Hoeng, raeuz aeu uk singj rox gijneix, yaek cauhbaenz aen Cungguek gyaeundei, yaek hawj lwg- minz youh deqmuengh gvaq saedceij gyaeundei ndaej baenzsaeh, raeuz yaek aeu cingcuj guek raeuz ndoengfaex、rumheu cungjsoq mbouj gaeuq、maj- hwnj mbouj gaeuq ndei, itdingh laebdaeb roengzrengz、mbouj dingz mbouj duenh guh roengzbae cij baenz.

Gyoengq veijyenz Cunghgung Cunghyangh Cwngcigiz、bouxsuhgi Cunghyangh Suhgicu、boux gozvu veijyenz youq Baekging de daengj riengz ndaemfaex.

（ciuq Yinzminz Yizbau）