3 nyied 23 hauh banhaet, Cungh- gung Cunghyangh hai aen hoih fat siusik lwnh vunzlai gij saeh guh hozdung angqhoh Cunghgoz Gungcanj- dangj laeb ndaej 100 hopbi. Bouxfubu- cangj ndaw Cunghyangh Senhconzbu faen guenj hong bingzciengz de Vangz Yaujveih youq mwh hai hoih lwnh le gij dajsuenq gvendaengz guh hozdung angqhoh Cunghgoz Gungcanjdangj laeb ndaej 100 hopbi.

Ciuq Vangz Yaujveih lwnh, gij hozdung angqhoh de miz bet yiengh daeuz. Yiengh daih’it dwg daengx- cungq dangjyenz cungj hagrox caeuq son’gyauq lizsij aendangj. Yiengh daihngeih dwg hunghoengh hai aen daihhoih angqhoh Cunghgoz Gung- canjdangj laeb ndaej 100 hopbi. Yiengh daihsam dwg bingzsenj、fathawj“aencieng miznaj caet it”caeuq bingzsenj haenhndei“song ndei it gonq（daengx guek bouxgungcanjdangjyenz maenhndei、daengx guek boux guh hong aendangj maenhndei、daengx guek dangjcujciz caengzdaej yamqbae gonq）”. Yiengh daihseiq dwg banh hozdung langhbaij hungdaeuz“mbouj lumj sim nduj、geiq maenh rap maz”. Yiengh daihhaj dwg banh vwnzyi yienjok hungdaeuz angqhoh Cunghgoz Gungcanjdangj laeb ndaej 100 hopbi. Yiengh daihroek dwg hai aen hoih yaenglwnh lijlun caeuq aen hoih guhdoih gangj vahdaez. Yiengh daih- caet dwg cauhguh buek vwnzyi cozbinj caeuq gaiqhuq okbanj ndeu. Yiengh daihbet dwg youq daengx guek ndawsingz lajmbanj cungj guh hozdung vunzlai senhconz son’gyauq“cungj riengz aendangj yamq bae”; gak dieg nda hong guh gij hozdung angqhoh lai cungj lai yiengh.

（ciuq Yinzmingz Vangj）