Bonjbauq siusik（gicej Maj Veiyungz） 3 nyied 26 hauh, Gvangj- sih Minzcuz Bause youq Namzningz baez daihseiq caeuq 5 boux canghraiz Sawcuengh ciemhcoh doxdingh, gap- guh bi ndeu.

Bouxfucujyin Swcigih Minz- cunghveij Veih Yungjhungz camgya ciengz ciemcoh doxdingh neix caemhcaiq gangjvah. Doengh boux- fucwz caeuq lauxhangz Aensiz Vah- cuengh Sawcuengh Cunghgoz Minzcuz Yijvwnz Fanhyizgiz、Swcigih Minz- cunghveij Minzcuz Yijyenz Vwnzsw Cu、Gvangjsih Minzcuz Yijvwnz Yenzgiu Cunghsinh、Gvangjsih Sam Nyied Sam Cazcise、Gvangjsih Minzcuz Gauhcungh daengj caeuq danhvei caemh hangz, caiq gya bouxbien bouxgicej gungh 30 lai vunz camgya ciengz ciemcoh doxdingh neix, gyoengqde vanzlij lwnhyaeng baenzlawz gungganq canghraiz Sawcuengh caeuq hawj Sawcuengh hwngfat lai ndei.

Veih Yungjhungz gangjvah vixok dangqnaj vunzlai yungh、doigvangq Sawcuengh lij miz gizlawz nyomq caeuq gizlawz guh mbouj daengz, vixyinx daihgya baenzlawz aeu Saw- cuengh raiz faenzcieng ndaej lai ndei, caemhcaiq gejdoeg gij minzcuz cwngcwz caeuq vwnzgen cingsaenz doxgven youz Cunghyangh ok de, hawj daihgya coglaeng rox baenzlawz guhhong caeuq raiz faenzcieng cij deng. De angqhoh gyoengq canghraiz Sawcuengh ciemcoh doxdingh neix, naeuz ciemcoh doxdingh le couh miz giz hwnjdin moq ndeu, muengh geij boux canghraiz neix lai haenq- rengz, raiz ok cozbinj maenhndei, caemh deqmuengh gyoengqde ndaej yamq hwnj lai sang yamq bae lai gyae.

Bause caeuq canghraiz Saw- cuengh gaxgonq ciemcoh doxdingh gapguh ndeindet, neix couh roengz giek ndei lo, bineix youh caeuq Yiz Ciz、Cungh Hihcwngh、Lingz Siu- yangh、Luz Vanjcinh、Danz Hijvah 5 boux canghraiz Sawcuengh ciemcoh doxdingh.