Geij ngoenz gonq, Gvangjsih Gohyoz Gisuz Cuzbanjse okbanj fat- hengz le bonj saw《Yawj Saeksiengq Duenq Rox Ywcuengh Cungguek》 lo. Bonj saw neix dwg dauq saw hongdawz mizyungh dahraix ndeu, de baengh ranghdieg Bouxcuengh miz yw lai cungj lai yiengh、aeu Sawcuengh Sawgun daeuj cingjleix bienraiz.

Bonj saw neix gungh miz 5 cek, gungh sou haeuj 1091 cungj Ywcuengh、3000 diuz danyw, baengh doengh boux guh hong Ywcuengh haujlai bi nanz ok rogranz bae mbaet yw、duenqdingh、ingjsiengq、niemh- dingh, vanzlij cazrox gij gingniemh ndawbiengz Bouxcuengh baenzlawz yungh yw caeuq cungjgez gij ging- niemh nemgyawj yw bouxbingh, baengh neix roengz giekdaej ndei le cix ndaej bienraiz baenz.

Seizneix, Ywcuengh baenz cungj yw minzcuz cieplaeng gij yw seiq daih minzcuz couhdwg Cangcuz、Mungzgujcuz、Veizvuzwjcuz、Daijcuz de hwngfat ndaej haemq ndei. 21 sigij doxdaeuj, guekgya caeuq Guengjsae baih dam baih ok le baenzroix cwng- cwz langh rengz hung haeujcoengh hwngfat yw saujsu minzcuz, Ywcuengh hwngfat miz le duenh ndeindet gaxgonq caengz miz gvaq.

（Cangh Gvangjgenz）