3 nyied 13 hauh, Fuzdaz Vwnzlij bineix aen daih’it cien vunz lijyouzdonz byaij haeuj Sanhgyangh Dungcuz Swciyen. Gyoengq bouxhek youz Mbanjdung、cimz ngaiz Dungcuz、yawj cezmuz daengj bae caenhcingz daejniemh daegsaek Mbanjdung. Gyawj geij bi neix, Sanhgyangh genhciz “aeu swnghdai laeb yienh, aeu lijyouz coengh lwgminz bienq fouq”, dawz lijyouz caeuq vwnzva doxgap hwnjdaeuj, caemhcaiq caeuq gizyawz hangznieb yungzhab, daezsang gij mingzdaeuz Sanhgyangh, hawj ginghci yienh neix hwngfat ndaej engq ndei.

（Gungh Bujgangh Houz Yinzyingz/龚普康 侯芸莹）