●Duenh Daengx Guek Song Hoih bineix, Gvangjsih Daibyaujdonz gungh gyau 13 aen yian、282 aen genyi, gij soq neix youq gyawj seiq bi neix suenq ceiq lai.

（Dungj Vwnzfungh）

●3 nyied 13 hauh, Aen Daihhoih Bineix Seizcin Daengx Gih Vunzcaiz Doxgyau de youq Nanzningz Gozci Veicanj Cunghsinh banh. Ndaw gih rog gih gungh miz 785 aen danhvei aeu vunz daeuj neix ok gyawj 5 fanh aen vihhong hawj vunzcaiz genjleh. Neix yinx 6.5 fanh vunzbaez daeuj yienhciengz ra hong.

（Loz Giz）

●Ciuq Swcigih Gyauh- dunghdingh ok siusik, duenh ndwencieng daehyinh 40 ngoenz neix gih raeuz roenhawq roenraemx gungh daehyinh 2092.2 fanh vunzbaez boux- hek, cungjdaej bingzonj, rengz daehyinh caezcup.

●3 nyied 11 hauh banhaet, Gveilinz Si Sieng- sanh Gih banh aenban cien- monz sonlienh hawj vunzlai cungj nyinh Cunghva Minzcuz caezcaemh, gungh miz 140 lai boux daeuj ndaw ban hagsib.

（Cinz Yez）