Bi’gvaq 10 nyied 29 hauh, Daihcibgouj Gaiq Haj Cung Cienzhoih Aendangj cazdoiq lwnhyaeng caemh- caiq doenggvaq《Aen Genyi Cungh- gung Cunghyangh Dingh Gij Dajsuenq Daihcibseiq Aen Haj Bi Caeuq Gij Moegbiu Gyae Bi 2035 Gvendaengz Guekminz Ginghci Caeuq Aenbiengz Hwngfat》.

3 nyied 11 hauh, Gaiq Cibsam Daengx Guek Yinzda Baez Hoih Daihseiq hai sat, gyoengq daibyauj gietdingh doenggvaq aen gezyi gij dajsuenq daeuz daihcibseiq aen haj bi caeuq gij moegbiu gyae- daeuz bi 2035 gvendaengz guekminz ginghci caeuq aenbiengz hwngfat, gietdingh doengzeiq gij dajsuenq daeuz neix.

Daihcibgouj Gaiq Haj Cung Cienzhoih Aendangj daengz Daengx Guek Song Hoih bineix, gij hoznaemj aendangj ciuq mbaek gonqlaeng fap- dingh de cienjvaq baenz simhoz guekgya, gij dajsuenq daeuz neix gyonjcomz dungxcaiz caeuq maq- muengh daengx guek gak cuz lwgminz, vixyinx vunzlai baenzlawz hwnjdin byaij roen moq.

Youq giz lizsij ciep gonq heij laeng couhdwg guhbaenz gij hongsaeh“daih’it aen bak bi” aeu guhbaenz de caeuq heij guh gij hongsaeh“daihngeih aen bak bi”dajsuenq guhbaenz de, miz aen Dangj- cunghyangh aeu Siz Ginbingz dungzci guh cehsim de da yawj bae gyae uk ngeix ndaej laeg caeuq gag rox dawz maz rap caemhcaiq dawz ndei diuzrap, guh dajsuenq hungmbwk, gyonjcomz caeuq daiqlingx daengx guek lwgminz yamq bae fofo buekguh gij hongsaeh “daihngeih aen bak bi” dajsuenq aeu guhbaenz de.

Gij dajsuenq duenh hwngfat moq de aen dam aen ndabaiz ndei lo, gij sing loxlez coi vunz hwnjdin byaij roen moq de yiengj goksa lo. Miz aendangj daiqlingx rengzrwd, miz yiengh cidu sevei cujyi miz gij daegsaek Cung- guek de miz giz ak moq, miz duenh“cibsam haj”roengz ndei giekdaej hwngfat maenhdwt, miz baenz ik fanh lwgminz caezhoz gyonjcomz baenz gij rengz hunghoengh, guh hongsaeh coglaeng, raeuz daengx ndang rengz- rwdrwd！

（bouxgicej Sinhvazse Cau Cwngz Cangh Yuzdungh Cau Cauh Hanz Gez Anh Bei）