3 nyied 4 hauh、5 hauh, Aen Hoih Cunghgoz Yinzminz Cwngci Hezsangh Veiyi Gaiq Cibsam Daengx Guek Veijyenzvei Baez Hoih Daih- seiq、Aen Hoih Gaiq Cibsam Daengx Guek Yinzminz Daibyauj Daihhoih Baez Hoih Daihseiq gonqlaeng youq Yinzminz Daveidangz heijdaeuz hai. Mwh heijdaeuz hai song aen hoih neix, doengh bouxdaeuz dangj caeuq guek- gya Siz Ginbingz、Lij Gwzgyangz、Liz Cansuh、Vangz Huningz、Cau Lozci、Hanz Cwng、Vangz Gizsanh daengj cungj youq cujsizdaiz naengh.

Vangh Yangz daibyauj Cwnghez Gaiq Cibsam Daengx Guek Veij- yenzvei Cangzvu Veijyenzvei, lwnh hongsaeh hawj baez hoih Cwnghez neix. Gozvuyen cungjlij Lij Gwz- gyangz daibyauj Gozvuyen lwnh hongsaeh cwngfuj hawj baez hoih Yinzda neix. Ndaw baugau de faen baenz sam aen bouhfaenh, baudaengz ngeuxyawj hongsaeh bi’gvaq、 gij hongbaenz duenh“cibsam haj”hwngfat aeundaej caeuq gij hongsaeh daeuz duenh“cibseiq haj”aeu guhbaenz de caeuq gij hongsaeh daeuz bineix.

Duenh hai“song hoih”, 2100 lai bouxveijyenz Daengx Guek Cwnghez cungj hopheux gij dajsuenq Cungh- gung Cunghyangh, comz rengz guh hongsaeh baenzlawz dinghndei caeuq ciuqhengz gij suenqveh“cibseiq haj”, byaij yamq maenhdwt dawz ndei diuzrap bonjfaenh、gaenxmaenx ok geiqmaeuz coengh guh hongsaeh cwngci、gak baih doxcomz caezhoz baenz boux ndeu, gyonj baenz gij dungxcaiz caeuq goengrengz hoenx ciengz ciengq gizgiz cungj hwnqguh aen guekgya sevei cujyi yendanva de ndaejhingz moq. Gyawj 3000 boux daibyauj Daengx Guek Yinzda dawz gij vahdaengq lwgminz naekgwd de bae camgya hai hoih, dawz ndei diuzrap yenfaz caeuq faplwd dingh hawj de.（ciuq《Yinzminz Yizbau》）