Ndwen 2 ngoenz 27 dwg ndwencieng cibloeg. Ngoenzde Yungzsuij Myauzcuz Swciyen Yanghfwnj Yangh banh aen hoihbo Gujlungz cienzdoengj. Boux- myauz、Bouxyauz、Bouxdung、Bouxcuengh、 Bouxgun daengj beixnuengx gak minzcuz angq comz Bogujlungz, langhbaij minzsug hozdung lumjbaenz foux lungz foux saeceij、foux caijdinvenz、doiq fwen daengj, mbaenjgouz fwnrumz yinzfwd、doengh gohaeux cungj maj ndaej ndei sou ndaej lai. Gwnz ndoi laj ndoi vunz lai vunz daih ndaetfwdfwd, sing fwen sing riu caeuq sing hemq ndei doxgeuj doxcab gyukgyad, ciengq ok diuz go minzcuz doxgiet.

(Lungz Linzci/龙林智)