2 nyied 25 hauh banhaet, Aen Daihhoih Cungjgez Haenhndei Daengx Guek Gunggeng Duetgungz youq Baekging hai. Cunghgung Cunghyangh cungjsuhgi、gozgyah cujsiz、Cungh- yangh Ginhveij cujsiz Siz Ginbingz fat ciengj hawj bouxyienghndei daengx guek gunggeng duetgungz caemhcaiq gangj vah youqgaenj. Siz Ginbingz giengzdiuh, baengh daengx aendangj daengx guek gak cuz lwgminz guhdoih haenqrengz, youq mwh youqgaenj angqcoux Cunghgoz Gungcanjdangj laeb ndaej bak bi, guek raeuz hoenx ciengz ciengq gunggeng duetgungz ndaejhingz caez- cup, ciuq gij byauhcunj seizneix 9899 fanh gyaeujvunz lajmbanj ndaej duetgungz caez, 832 aen yienh gungzhoj ndaej duetmauh caez, 12.8 fanh aen cunh gungzhoj ndaej oklied caez, baenzrangh gungzhoj ndaej gaijgez, guhsat hongsaeh hojguh lailai couhdwg siucawz gij gungzhoj mbouj gaeuq gwndaenj, guhbaenz gij hongsaeh youq ndaw lizsij lwenqda ronghsag! Neix dwg lwgminz Cung- guek najrongh hungmbwk, dwg Cunghgoz Gungcanjdangj najrongh hungmbwk, dwg Cunghvaz Minzcuz najrongh hungmbwk.

Lij Gwzgyangz ndabaiz daihhoih, Vangh Yangz doeg aen gietdingh haenhndei, Liz Cansuh、Vangz Huningz、Cau Lozci、Hanz Cwng、Vangz Gizsanh camgya hai hoih.

Boux veijyenz Cunghgung Cunghyangh Cwngcigiz、boux suhgi Cunghyangh Suhgicu, boux fuveij- yenzcangj Daengx Guek Yinzda Cangzveijvei, boux Gozvu veijyenz, boux yencangj Ceigauh Yinzminz Fazyen, boux genjcazcangj Ceigauh Yinzminz Genjcazyen, boux fucujsiz Daengx Guek Cwnghez, vanzlij doengh boux veijyenz Cunghyangh Ginhveij camgya hai hoih.

Doengh boux fucwz dungzci daeuz gak swngj gih si caeuq Sinhgyangh Swnghcanj Gensez Bingh- donz, doengh boux fucwz dungzci daeuz dangj cwng ginh ginz gak bumwnz, doengh boux cwngzyenz ndaw Dangj Caeuq Guekgya Gungh- yinh Byaujcangh Gunghcoz Veij- yenzvei, doengh boux cwngzyenz ndaw Daengx Guek Gunggeng Duetgungz Byaujcangh Gunghcoz Lingjdauj Siujcuj, doengh boux fucwz daeuz gak minzcuj dangjbai cunghyangh、Daengx Guek Gunghsanghlenz caeuq doengh- boux daibyauj fouz dangjbai daengj daihgaiq 3000 vunz camgya daihhoih.

（ciuq 《Yinzminz Yizbau》 ）