Swcigih Vwnzva Caeuq Lijyouz Dingh ok siusik, 2 nyied 11 daengz 17 hauh, Gvangjsih gungh ciepdaih hekyouz 2229.9 fanh vunzbaez, beij bi’gvaq caemh duenh gyalai 434.9%; lizyouz siuyungh 140.87 ik maenz, beij bi’gvaq caemh duenh gyalai 453.1%.

Duenh cuengqgyaj, Gvangjsih gak dieg ok lai cungj banhfap lumj fat mbawfei siuyungh、roengzdaemq gij gyaqcienz mwnzbyau roxnaeuz mbouj sou cienz daengj haeujcoengh hwnghoengh lizyouz. Liujcouh Si fat 100 fanh maenz mbawfei lijyouz siuyungh hawj doenghboux youq dangdieg gvaqcieng; Gveilinz Si ok 41 diuz sienqloh lijyouz hawj vunzlai ndaejleih、86 yiengh hozdung hawj vunzlai ndaejleih, fat 272 fanh mbawfei siuyungh hawj doenghboux daj dieg wnq daeuj dajgoeng. Gvangjsih gak gaep duzsuhgvanj、vwnzva’gvanj vunzlai caemh yungh de gungh banh 720 ciengz ginzcung vwnzva hozdung, youq vangjloz caeuq dangciengz gungh miz 214 fanh vunzbaez camgya, 13 fanh vunzbaez daengz ndaw duzsuhgvanj、vwnzva’gvanj vunzlai caemh yungh de.

“Vunz Gvangjsih youz Gvangj- sih”baenz aen hawciengz daeuz ngoenzciet vwnzva lijyouz, gij hekyouz ndaw gih ciemq cungjsoq hekyouz bae 70%, vunzlai bonjdieg ceiq maij daiq lwgnyez youz dangdieg、gag hai ci youz giz doxgyawj、youz seiqhenz gyawj hawsingz.（Vuz Libingz）