Mboengqneix, Nanzningz Si Yunghningz Gih banh le 300 lai ciengz hozdung bae hag caeuq lwnhgangj gij cingsaenz Gaiq Daihcibgouj Haj Cung Cienzhoih Aendangj. Aen gih neix youz lingjdauj guhdaeuz, gwnzgwnz lajlaj cungj guh, doidoengh hozdung daj gihgvanh haeuj daengz lajmbanj、daj ganbu mbe daengz vunzlai. Lumjbaenz gak aen danhvei doxhag dox- lienzdoengh lwnhgangj; daengx singzgih 2092 boux ganbu bangfuz daengz 10344 hoh ranzduetgungz bae banh gij hozdung son’gyauq gyo’mbaiq; youq “Hagsib Giengz Guek”“Song Veih It Gyaeuj” daengj bingzdaiz gwnzde hagsib; banh heiq haeuj lajmbanj、“sam roengz mbanj” gagnyienh hozdung、goeng’ik cuengq denyingj daengj. Hawj cingsaenz cienzhoih “mbin haeuj ranz vunzbiengz”, hawj vunzlai rox aencingz dangj、gyo’mbaiq aendangj、dingq vah aendangj、riengz aendangj byaij.

(Yungz Cenhmeiz/熊千梅)