Gou naeuz de gaej guh la, buekmingh yiengh- neix dwg vih bouxlawz, Daeggeiq gangj vihliux bonjfaenh, vihliux lix dwk miznaj, nanzdauh ndaej vih doenghdah Ahlienz okgai daegyoux haenx ha. Gou rox gij eiqsei Daeggeiq.

Dinghloegsiengq okdaeuj saek bak mij couh dwg Bouqdaeqgyaeuj Cingz Naek. Gyoengq beix- nuengx gaenjfodfod ndonj haeujbae, Ahlienz anbaiz ndei le naengh gwnz sahfaz naj saepsang. Daeggeiq youq baihrog yex vunx, de naeuz Ahlienz mboujnex mwngz anbaiz daeg neix guh baez ba, Ahlienz yiengq baihrog ndaq sing “deuz” ndeu, Daeggeiq caiq naeuz mwngz mbouj anbaiz gou couh daiq de bae banh daihsaeh lobw ndaej mbouj ndaej. Gij raemxda Ahlienz cungj yaek lae roengzdaeuj lo, gou singdaemq gangj le sing “doiq mbouj hwnj” couh byaij ok Cingz Naek lo.

“Mwngz dauqdaej siengj guhmaz?”

“Lumz luba, bonj《Beixnuengx》neix mwngz mbouj caengz cawx gvaq.”

“Gou gag rox cawx.”

“Bae bae bae, gou hix siengj yawj bonj《Beixnuengx》haenx baenzlawz yiengh.”

Daeggeiq gaq dwk gou byai coh Amqlienh Dauj Vadauz bae.

Seiq

Gij haw ngoenzneix nauhyied dangqmaz, fwngz Daeggeiq rengz hung raixcaix, de got gou daeuj daengz laj laeuz Amqlienh Dauj Vadauz, beng sing hemq.

“Dah lawz lo, beixnuengx gou daeuj cawx bonj《Beixnuengx》le, dwgrengz mwngz daeuj coux mbat ndeu.”

Gwnz laeuz, Vangz Cibroek damq ndang ok- daeuj, baihlaeng gaen song boux vunz, de cix naeuz: “Bonj saw haenx gaenq gai lo, sou baema ba!”

“Ndai lawz gamj cawx《Beixnuengx》daeg- nuengx gou, gou raemj dai de bae.”

Daeggeiq gaq gou dwk yaek hwnj laeuz, sawqmwh caengz diah’it cienz ok sing.

“Bouqsaw bouxlaux, bouxlaux naeuz gai hawj byawz couh gai hawj byawz.”

Boux vunz cungnienz daemqdetdet ndeu ok caengz daih’it daeuj, song boux riengz laeng de dwg beixnuengx Daeggeiq haxbaenh anbaiz deuz haenx, vunzlai ndawde sawqmwh miz ngeihcib lai vunz humx dou youq najlaeuz. Daeggeiq cuengq gou naeuz, laxlawz dwg Vangz lauxbanj, mwngz fatcaiz, mwngz fatcaiz ha. De iet fwngz byaij bae yaek caeuq de gaemfwngz, miz vunz daj baihlaeng aeu diuz faex co lumj gen he moeb ndang Daeggeiq, Daeggeiq baez saemxsax ndeu couh deng geij boux gaeb dawz, caxmbak deng dawz roengzdaeuj, Vangz lauxbanj liuq le Daeggeiq da ndeu couh yiengq gou byaij daeuj.

Vangz lauxbanj byaij daengz dangqnaj gou naeuz, lij cawx 《Beixnuengx》dem guhmaz, beix- nuengx mbouj dwg aeu ma okgai ha, bouxlaux gizsaed gig boiqfug daegmbauq neix, bang Loeg lauxbanj banh le haujlai saeh haenq, hoeng couh dwg miz mwngz cungj baengzyoux okgai beixnuengx neix, loeng lai lo. De youh cienq yiengq Daeggeiq gangj, mwngz yienzbonj dwg bouxak ndeu, banh saeh gaeuq sieb, soujduenh gaeuq doeg, hoeng uk mwngz mbouj ndei yungh, mwngz laihnaeuz laux- banj ak yungh mwngz ha, de dwg yawjnaek yungh ngaenz rox lwi? Bouxlaux aen denva ndeu couh ndaej dingh saeh, lij lwnz daengz mwngz daeuj raemj gou, gizneix miz ngaenz cij dwg bouxak, ngaenz dwg gijmaz mwngz rox lwi?

Vangz lauxbanj gangj dwk yak dangqmaz.

Daeggeiq caengz de, caiq caengz gou, ndaw da cungj dwg haemz, gou mbouj caengz raen de yienghneix gvaq. Vangz lauxbanj siengj doengh fwngz, mbonq faex couh dub haeuj da Daeggeiq bae, Daeggeiq doq lwedyaenghyaengh lo, hoeng de cix mbouj ok saek di sing. Miz vunz gaem faex coh gou byaij daeuj, gou vaenq gyaeuj raen baihlaeng hix miz vunz gvaqdaeuj.

Seizneix Vangz Cibroek youq gwnz laeuz hemq: “Daeggeiq, Daeggeiq, de mbouj okgai mwngz gvaq, de naeuz de haengj gou, siengj daiq gou deuz.”

Daeggeiq ceh da ndeu gaenq myoxmyadmyad lo, lingh ceh da yawj gou, gou caeuq de eiqsei naeuz gij vah haenx dwg caen le, Vangz lauxbanj yaengx fwngz hawj vunz baihlaeng baema. Vangz lauxbanj cam gou haengj Vangz Cibroek lwi, gou yiengq Vangz Cibroek daihsing hemq gou gyaez mwngz, gou aeu daiq mwngz deuz. Vangz lauxbanj dingq le riunyaen, de naeuz mwngz rox de dwg bouxlawz guh gijmaz? Gou naeuz mwngz mbouj hab guh boh de, de riu dwk engq angq.

“Lumj dahlwg yienghneix, youq gwnz haw gou miz cib geij dah.”

Gou ngiengx gyaeuj yawj Vangz Cibroek, Vangz lauxbanj caiq naeuz, de mbouj miz naj gangj hawj mwngz nyi, de couh dwg cungj huqcienh ndeu, dwg gij huqcienh gou ciengx hawj doenghboux lauxbanj haenx. Bohmeh de dai gwnz gvangq gou, gou ciengx de hung, bouxlaux yungh baenzlai ngaenz ciengx de, de hung le bauq gou dwg hableix le.”

“Gou loengh dai cungj cukseng mwngz!”

Gou baez bongh hwnjbae gaem dangzvaq Vangz lauxbanj gaem dwk gaenjndwtndwt, Vangz lauxbanj hemq dwk lumj gaj mou nei, gou lij dingqnyi singrongx Daeggeiq, singdaej Vangz Cibroek.

Deng la, lij ndaej geiq miz vunz aeu faex- gyaengh moeb gou, gyoengqde moeb gyaeuj gou、ga gou、dungx gou, gij sing mboengj neix mbouj ndei dingq baenzlai, cungj sing haenx daj ndaw ndang okdaeuj roxnyinh ngoemh lai.

Gou lij yawjraen Lauxbanh caeuq gyoengq beixnuengx, Ahlienz caeuq gyoengq cejnuengx de, gyoengqde miz cax、miz faex、miz daengq. Mehmbwk maij daenj buh ninz mbangmbet haenx hix daeuj lo, ndaw fwngz gaem haizgiujsang, dwgcaengz lo, ndaw buh de lij dwg gijmaz cungj mbouj daenj.

Gyoengqde buet coh gou, gou riunyumnyum yawj gyoengqde, youq diemj neix Daeggeiq cungj gangj gou apnaj lai, lienz ngaiz vunz dub cungj apnaj.

Gou mbouj gvaiq de , miz de youq henz, apnaj di couh apnaj di ba. （7 sat）

我劝他不要做了，这么卖命是为了谁，阿季说为了自己，为了活得有面子，难道为了那个出卖男朋友的阿莲吗。我明白阿季的意思。

录像厅出来走一百米就是发廊街的情依依发廊，兄弟们急吼吼地鱼贯而入，阿莲安排妥当坐在沙发上一脸不悦。阿季在外面贼兮兮地说，阿莲要不你把这家伙的处破了吧，阿莲朝外面骂了一声滚，阿季接着说你不安排我带他去办大事了行不行。阿莲眼泪都要流下来了，我轻声说了声“对不起”走出情依依。

“你到底想干吗？”

“忘了吧，那本《兄弟》你没买。”

“我自己会买。”

“走走走，我也想看那本《兄弟》写的什么。”

阿季架着我往暗恋桃花岛走去。

四

那天的镇子特别热闹，阿季架着我，他的手臂刚劲有力，我们穿过人流来到暗恋桃花岛楼下，阿季扯着嗓子喊。

“那个谁，我兄弟来买那本《兄弟》，麻烦迎接一下。”

楼上，黄十六探出身子，后面跟着两个人，支支吾吾地说：“那本书已经卖了，你们走吧。”

“哪个王八蛋敢买我兄弟的《兄弟》，我砍死他。”

阿季架着我要上楼，突然一楼传出声音。

“老子的书店，老子说卖给谁就卖给谁。”

一位中年矮个子从一楼小卖部走出来，身后跟着的两位是阿季刚才安排走的兄弟，人群中突然出现二十多人把我们围在楼前。阿季放开我说，原来是黄老板，你发财，你发财啊。他伸出手迎上去握手，身后一根手臂粗的木棒迅猛地打在阿季身上，阿季一个趔趄被几个人擒住，砍刀被卸下，黄老板瞄了阿季一眼不屑地朝我走来。

黄老板走到我面前说，还买《兄弟》，兄弟不是拿来卖的吗，老子其实挺佩服这小伙子，帮陆老板办了不少狠事，只是交错你这个出卖兄弟的朋友。他又转向阿季说，你原本是个人才，办事够狠，手段够毒，就是脑袋不好用，你真以为陆老板会重用你，他是重用钱懂吗，老子一个电话就能搞定的事，还轮得到你来砍我，这里有钱才是老大，钱钱钱懂吗？

黄老板恶狠狠地说。

阿季瞪着他，又瞪向我，眼里全是仇恨，那是我未见过的眼神。黄老板示意动手，手臂粗的木棒直接砸进阿季的眼睛，顿时血肉模糊，阿季一声不吭。木棒朝我走来，我转头身后的人也上来了。

这时黄十六在楼上喊：“阿季，他没有出卖你，他说喜欢我，想带我走。”

阿季一只眼已经模糊了，另一只眼看向我，我跟他示意是真的，黄老板打手势让后边的人回去。黄老板问我喜欢黄十六吗，我朝黄十六大声喊我喜欢你，我一定要带你走。黄老板听完一脸贱笑，你知道她是谁干什么的？我说你不配做她爸，他笑得更开心。

“像她这种女儿，我在镇子上有十几个。”

我抬头看黄十六，黄老板接着说，她没脸讲给你听，她就是个贱货，是我养给其他老板的贱货。她父母死在我矿上，我把她养大，老子花那么多钱养她，长大回报我理所当然。

“我弄死你妈个畜生。”

我一个箭步冲上去抓住黄老板的下裆死死扯住，黄老板发出杀猪般的号叫，我还听见阿季的咆哮，黄十六的哭声。

对了，还记得有人拿木棒捶我，他们捶我的头、我的腿、我的肚子，棒打声并没有那么悦耳，那种声音由体内而来显得极其沉闷。

我还看见老潘和兄弟们，阿莲和她的姐妹们，他们有刀、有棒、有椅子。那个喜欢穿透明睡衣的女人也来了，手里拿着高跟鞋，可恶啊，她里面还是什么也没穿。

他们向我奔跑，我微笑看着他们，在这一点上阿季一直说我矫情，连被人揍都是矫情的。

我不怪他，有他在，矫情就矫情一点吧。

（7 完）