1 nyied 28 hauh lajbyongh- ngoenz, Cunghgung Cunghyangh Cwngcigiz guh daih ngeihcib caet baez cizdij hagsib, lwnhyaeng gij hongsaeh daeuz gvendaengz hainduj ndei hwnjdin ndei guh hongsaeh“cibseiq haj”. Cunghgung Cungh- yangh cungjsuhgi Siz Ginbingz youq mwh guhdaeuz ndabaiz hagsib giengzdiuh gijneix, aen hwngfat leix- niemh moq dwg aen lijlun dijhi baenz hidungj ndeu, de lwnh raeuz vihmaz hwngfat、rengzdoengh hwngfat、roenloh hwngfat daengj, gangj cingcuj gij saeh cwngci hungdaeuz gvendaengz hwngfat aeu dawz gijmaz cwngci lizcangz、gyaciz vihyiengq、vunqsik hwngfat、roenloh hwngfat daengj. Daengx aendangj itdingh naemj doh、dawzcinj、hengz caez aen hwngfat leixniemh moq, bauj guek raeuz hainduj hwnjdin laeb aenbuenz“cibseiq haj”ndaej ndei.

Baez Cunghyangh Cwngcigiz Cizdij Hagsib neix, youz Cunghyangh Cwngcigiz dungzci gaghag caemhcaiq doxgyau guhhong gvaqlaeng rox gijmaz, Liuz Hoz、Sunh Cunhlanz、Huz Cunhvaz、Cai Giz dungzci giethab gij hong gyoengqde guenj de gangjvah, daihgya doxgyau.

Siz Ginbingz youq mwh guh- daeuz ndabaiz hagsib de gangjvah. De vixok, bineix dwg bi hainduj laeb aenbuenz “cibseiq haj”, hix dwg bi dangj raeuz laebbaenz 100 hopbi. Guh ndei gij hong hwngfat ginghci sevei bineix、youq“cibseiq haj”yamq ndei yamq daih’it hawj guek raeuz hwngfat, youqgaenj baenzmaz bae. Yamq daih’it yaek yamq cinj yamq onj, yamq ok yienghsiengq moq, yamq ndaej baenzsaeh moq.

Siz Ginbingz vixok, gak gaep dangjcujciz caeuq lingjdauj ganbu aeu laemxsim dawzrap, guenj dieg couh dawzrap、guenj dieg dawz ndei rap、guenj dieg rap ndei caez. Gak gaep dangjveij caeuq cwngfuj aeu hengz aen cidu dawzrap guh gak yiengh hong, ndabaiz habngamj, cug caengz ndabaiz dawzrap, doinyoengx gak gaep dangjcujciz、gak aen bumwnz、gak diuz cansen、gak hangz gak nieb laemxsim guhhong、gag rox okrengz guhsaeh, cauhlaeb aenbiengz ndei hawj raeuz angqhoh laeb dangj 100 hopbi.

（ciuq Sinhvazse）