●Guekgya Minzveij 1 nyied 19 hauh ok siusik, Gvangjsih Nanzningz Si Cinghsiu Gih、Bwzswz Si Dwzbauj Yen、Bwzswz Si Cingsih Si、Hocouh Si Fuconh Yauzcuz Swciyen、Liujcouh Si Yizfungh Gih、Gveilinz Si Siufungh Gih Gyazsanh Gaihdau、Laizbinh Si Siengcouh Yen Majbingz Cunghyoz、Nanzningz Si Sihyanghdangz Gih Hwngzyangz Gaihdau Cunghvaz Cunghlu Segih、Gveigangj Si Gangjbwz Gih Gveicwngz Gaihdau Hozcwngz Segih daengj 9 aen dieg caeuq danhvei ndaej heuhguh daihbet buek daengx guek gij dieg caeuq danhvei guhyiengh minzcuz doxgiet baenaj.

（Cinz Yajniz）

●1 nyied 22 hauh, ciuq aen hoih fatbouh sinhvwnz youz Nanzningz Haijgvanh caeuq Swcigih Sanghvu Dingh guhdoih gawjhengz de ok siusik, bi’gvaq Gvangjsih gungh caeuq rog guek gaicawx 4861.3 ik maenz, beij bi’gyai gyalai 3.5%, beij daengx guek lai hwnj 1.6 %.

（Loz Vanli）

●Ciuq Bwzhaij Si Lijyouz Vwnzdij Giz ok siusik, bi’gvaq Bwzhaij Si ciep hekyouz ndaw guek 4120 fanh vunzbaez, dauqfuk bi’gyai 78%; ndaw guek lijyouz siuyungh 514 ik maenz, dauqfuk bi’gyai 74%.

（Couh Hungzmeiz）

●Ciuq cam rox, bi’gvaq Duh’anh Gungden Gunghswh gungh roengz 3.65 ik maenz hwnqguh aen gunghcwngz gaijguh nungzvangj, daengx bi guh 776 aen hanghmoeg, hawj 65 aen cunh daihgaiq 46950 vunz mbouj you yungh dienh lo, ok rengz coengh dangdieg 83 aen canjnieb banggungz guh nungzyez swnghcanj gya ndei, gya rengz hawj lajmbanj saenqhwng.

（Liu Ginglingz）