1 nyied 21 hauh, Aen Hoih Swcigih Daihcibsam Gaiq Yinzda Baez Hoih Daihseiq youq Namzningz hai. Youq duenh hai hoih, gicej cam bouxfucwz Swcigih Minzcunghveij Gvangjsih youq“cibsam haj”guh hong minzcuz cunghgyau baenz maz saeh caeuq baenzlawz nda gij hong“cibseiq haj” daengj saeh.

“Cibsam haj”doxdaeuj, Gvangj- sih cauhguh minzcuz doxgiet baenaj guh haeujlaeg bae, mbouj dingz- duenh hawj caezgya cungj nyinh Cunghvaz Minzcuz caezcaemh. Duenh neix, guh ndei hozdung angqhoh swcigih laebbaenz 60 hopbi; guh ndei hozdung angqhoh Bahmaj、Vanzgyangh、Dava、Gunghcwngz 4 aen swciyen caeuq Lijdangh Yauzcuz Yangh daengj 5 aen minzcuzyangh baez daengz bi laebbaenz roeb 10 bi（lumj laebbaenz 10、20、30……hopbi）; gyonjcomz nda 27 ik maenz cienzngaenz hwngfat saujsu minz- cuz; dawznaek haeujcoengh 54 aen yienh gungzhoj gunggeng duetgungz; dawznaek gungganq 105 aen mbanj miz daegsaek saujsu minzcuz, 78 aen mbanj saujsu minzcuz ndaej heuhguh Cungguek aen mbanj miz daegsaek saujsu minzcuz. Doidoengh《Aen Diuzlaeh Hong Vahsaw Saujsu Minzcuz Gvangjsih Bouxcuengh Swcigih》ndaej ok; guh hong cauhlaeb vah minzcuz caeuq Vahgun doxhuz caemh youq; guhsat 65 aen hangh- moeg baujhoh vah saujsu minzcuz, ciengjgouq soucomz saw geq saujsu minzcuz ndaej baenzsaeh moq. Gizgiz cungj gyaak dangj lingjdauj hong cunghgyau, yamq maenh doi gak yiengh hong cunghgyau ndaej baenz- saeh moq, daengjdaengj.

Duenh“cibseiq haj”, Swcigih Minzcunghveij aeu Aen Swhsiengj Sevei Cujyi Miz Gij Daegsaek Cung- guek Seizdaih Moq Siz Ginbingz bae dazyinx, dangq diuzsienq hawj caezgya cungj nyinh Cunghvaz Minz- cuz caezcaemh guhdaeuz guh ndei gak yiengh hong minzcuz.

Bineix dwg bi Cunghgoz Gung- canjdangj laebbaenz 100 hopbi, dwg bi daih’it hwnj din byaij roen moq aeu gizgiz hwnqguh aen guekgya yendaiva sevei cujyi, dwg bi hainduj“cibseiq haj”, dwg bi daih’it comz- rengz cauhlaeb aenbuenz hwngfat moq, Swcigih Minzcunghveij yaek“hwnj din couh yamq vaiq, hainduj ceng daih’it” baenzneix buekguh, dangq diuzsienq hawj caezgya cungj nyinh Cunghvaz Minzcuz caezcaemh guhdaeuz, haenqrengz gyaak guh hong son’gyauq minzcuz doxgiet, haenqrengz coihaeuj gak minzcuz doxgyau doxrox doxyungz, haenq- rengz lai vaiq doidoengh dieg minzcuz ndaej yendaiva, haenqrengz gyaak ciuq faplwd guenjleix hong- saeh minzcuz, doidoengh hong minzcuz seizdaih moq ndaej hwngfat gig ndei, aeu baenzsaeh lailai angqhoh laeb dangj 100 hopbi.

（Liengz Cingz Vangz Veijyungj）