Dahsau Dungcuz、Myauzcuz maijgyaez raekdaiq gaiqdajcang ngaenz, baez daengz cietheiq, daeg- bied dwg dahsau okhaq cungj aeu raekdaiq gak cungj gak yiengh gaiqdajcang ngaenz. Gwnz duqbyoem baek bae’ngaenz yiengh dujva duz- mbaj, rwz raek soijngaenz, gwnz hoz naj aek raek gyongxngaenz lienh- ngaenz, gwnz fwnz daiq goenhngaenz haedfwngz, mbangj gwnz ga lij miz goenhroix ngaenz dem, lumj duzmbaj mbinyegyeg lumj duzfungh mbe fwed, lwenqda ndeiyawj.

Ciuh gij siengjaeu bouxcawx, canghdizngaenz sien dawz gij ngaenz yungzlienh gvaq de guh baenz vengq- mbang、baenzdiuz roxnaeuz diuzsei, yungh gij dinfwngz at、 mbon、deu、gvet doenghgij banhfap neix, guh ok gaiqngaenz rizraiz gyaqciq gak cungj gak yiengh de, riengzlaeng caiq doenggvaq hanhswnj roxnaeuz san- laenz baenz gaiqngaenz gyaeundei yinxvunz de. Sanhgyangh Dungcuz Swciyen Bazgyangh Cin Fuzdenz Cunh Mbanjlinzfuz youq ciuhgeq couh miz canghdizngaenz baengh song faj fwngz guh gaiqdajcang ngaenz lo. Youq gyoengq canghdizngaenz ndawde, gij dinfwngz Vuz Gungnwngz cungj ndei gvaq bouxwnq. Vuz Gungnwngz gauhcungh bizyez le couh riengz daxgoeng de hag guh gaiqdajcang ngaenz. 30 lai bi gvaqdaeuj, aen diemq goenhsoij de yienznaeuz senj baenz geij mbat, hoeng mbouj lwnh senj daengz lajmbanj roxnaeuz yienh- singz, bibi cungj miz haujlai dahsau roxnaeuz lwgmbauq Dungcuz、Myauz- cuz riengz gij mingzdaeuz de daeuj ra de guh gaiqdajcang ngaenz, daengz okhaq、camhaq yungh. Seizneix, Vuz Gungnwngz couh youq Sanhgyangh yienhsingz aendiengzhong gaebgeb haenx guh gaiqdajcang ngaenz minz- cuz vunznoix, ndawde aendaiz guh- hong couh ciemq bae diengzhong baenz dingz dieg, gwnz daiz miz baenzdauq hongdawz guh gaiqdajcang ngaenz haenx, lumjbaenz aen vanj iq coux sa’ngaenz、aen ruqrin aeu ma langh caep raemxngaenz caeuq gij hongdawz mbouj rox coh daengj. Gwnz ciengz diengzhong cix venj le haujlai gaiqdajcang ngaenz gaenq guh ndei haenx.

“Gijneix dwg cungj lienh’aek gyoengqvunz Dungcuz、Myauzcuz rangh Dahyungzgyangh song hamq raekdaiq haenx, neix cix dwg lienhngaenz vunzlai Dungcuz Baz- gyangh Cin raekdaiq haenx, gij gyongxhoz neix hix dwg gij Dungcuz, gyoengq dahsau baehaq cungj aeu raekdaiq de……” Vuz Gungnwngz baez yiengh baez yiengh geq doxgaiq de guh haenx okdaeuj, naeuz dwk angqvauvau. Doenghgij doxgaiq neix cungj gig miz daegsaek Dungcuz、Myauzcuz. Mboujlwnh dwg goenh- fwngz、lienh’aek roxnaeuz gyongxhoz, Vuz Gungnwngz cungj ndaej youq gwnzde deu ok gij dozanq gyaqciq. Vihliux hawj gij doxgaiq neix engq ndeiyawj, de lij gaghag gij dinfwngz guh Gingjdailanz, daj gij yiengh rizraiz mehmbwk siuqseuq caeuq labnyumx haenx ra gij miz yungh, caiq yungh ma guh gaiqdajcang ngaenz.

Doiq goenhfwngz ndeu daj sa- ngaenz yungz baenz raemxngaenz caiq diz guh baenz yiengh, youh youq gwnzde deu va daengj, cungj dwg baengh fwngz guh. Hoeng Vuz Gungnwngz cij aeu 6 diemjcung couh guh ndaej doiq goenhfwngz deu rim raizva cingsaeq ndeu, lienz guh lienh’aek caeuq gyongxhoz daengj engq fukcab haenx cij ngamq guh ngoenz ndeu couh ndaej lo. Gvaq- laeng, Sanhgyangh Dungcuz Swciyen bingz Vuz Gungnwngz guh “Laux- cangh Sanhgyangh”. De nyinhnaeuz neix dwg haenh dinfwngz de ndei, coi gij dinfwngz cienzdoengj baengh fwngz guh haenx hwngfat engq ndei. Gyoengq bouxcoz rox gij mingzdaeuz de le youh riengz de hag guh gaiqdajcang ngaenz minzcuz vunz noix haenx, bouxhag menhmenh couh bienq lai lo, daengz seizneix gaenq miz 3 boux lwgsae oksae. De roxnyinh gig miznaj, caiqlij maqmuengh doenghgij dinfwngz gwnzbiengz neix ndaej fatyiengz caeuq ciepcienz.