Ndwen 1 ngoenz 21, Hocouh Si Gungh’anhgiz Bingzgvei Fwnhgiz youq gij segih gvi gyoengqde guenj haenx, caeuq Canghsijcih hezvei bonjdeih banh aen hozdung sij doiqcieng soengq cih “fuk” “bak fanh gingjcaz haeuj ranz”. Linghvaih, gyoengq minzgingj fujgingj lij soengq “baenzdauq bujgiz faplwd cihsiz” hawj vunzlai Yauzcuz, lumjbaenz daezfuengz deng vunz aeu densin yaeuh ngaenz、 fanjdoiq cunghgyau yakrwix、cit bauq cuengq bauqva aeu dawz ancienz haeujsim. Aen hozdung neix gungh soengq ok 2000 lai mbaw cih “fuk”, 2000 lai fouq doiqcieng, 6000 lai faenh swhliu lwnhgangj faplwd. Mboujdan soengq fuk hawj vunzlai segih, lij hawj gyoengqvunz engq rox faplwd, engq rox re gij ancienz swhgeij.

(Ganh Yungj/甘 勇)