Geij ngoenz neix doxdaeuj, Nanzdanh gij gaiqcojcienz baujhoh caeuq ciepcienz feihyiz vwnzva ndaej senj haeuj “bi 2020 gij anqlaeh ndei feihyiz caeuq lijyouz doxgap hwngfat”. Nanzdanh Yen dawz minzcuz vwnzva、daegsaek bonjdeih caeuq lijyouz doxgap hwnjdaeuj, bienqbaenz aen vunqsik moq gwnzbiengz gag cujciz, guenfueng (cwngfuj、giyez) haeujcoengh ndeu. Yienh neix lij yungh ngoenzciet ma langhbaij feihyiz vwnzva hanghmoeg, yinx bouxhek daeuj yawj. Lumjbaenz fouxnyenz、dinfwngz dwkgyangq、boq gaeuvaiz、fouxhaizgieg、cietgingqvaiz Bouxcuengh daengj, hawj feihyiz vwnzva dauq hoenghhwd.

(Vangz Yezfwnh Bangz Giz/黄月芬 庞祺)