●Bi’gvaq, daengx gih gungh ndaem faex cauh ndoeng 321.4 fanh moux, ciemq gijsoq yinvu 260 fanh moux de 123.5%, ndaem 8126 fanh go faex. Ciuq cam rox, gih raeuz gaenq laebdaeb 13 bi bibi ndaem faex 300 moux doxhwnj.

（Cangh Leiz）

●Bi’gvaq, Vujsenh Yen daengxbuenz doihaeuj 87 aen hanghmoeg hungdaeuz（ndawde miz 12 aen swcigih hanghmoeg）, daih- gaiq gungh roengz 479.43 ik maenz. Suenq daengz bi’gvaq 12 nyied daej, Vujsenh Yen gij hanghmoeg ngamq haigoeng、guhsat de cungj guhsat yinvu; guhbaenz roengzcienz 64.97 ik maenz, guhsat daengx bi yinvu 155%.（Liengz Yijsungh）

●Haijgvanh Cungjsuz 14 hauh ok soqgawq, bi’gvaq guek raeuz gij- soq gaicawx huq cin cuzgouj gungh 32.16 fanh ik maenz, beij bi’gyai caemh duenh gyalai 1.9%, miz binghraq bwtndat caeuq danhbenh cujyi baujhu cujyi daengj lai yiengh rengzat le vanzlij beij gaxgonq cungj lai, baenz le gwnz seiqgyaiq aen ginghcidij daeuz dog gaicawx huq ndaej gyalai.（Liuz Hungzyaz）

●Suenq daengz bi’gvaq nienzdaej, daengx gih gunghsiuh hidungj gaenq guh baenz 800 lai aen gungsiuhse cunh gaep, aeu ciennieb hozcozse doxlienz daiq- doengh nungzhoh 50.44 fanh vunz, gij gungsiuhse caengzdaej gaicawx gungh souhaeuj 124.15 ik maenz, rengzrwd dwkdoeng“goengleix ceiq laeng”fugsaeh nungzyez nungzcunh nungzminz.（Vangz Yenginz）