It. Giengzvaq gaujsi cujciz lingjdauj,“onj” gaujsi cujciz gihgou

Vahcuengh Sawcuengh Suijbingz Gaujsi bi 2020 youq bi’gvaq 10 nyied 31 hauh youq Cunghgung Nanzningz Siveij Dangjyau swnhleih hai gauj. Seizneix, gij hong cujciz hengzguh gaujsi、gaijgienj、cazcam cingzcik、guhfat gaujsi hozgwz cwngsuh、 gyoepsuenq gij soq gaujsi daengj, gaenq cienzbouh guh liux lo, gij hong Vahcuengh Sawcuengh Suijbingz Gaujsi bi’gvaq saedyienh “seiq onj”.

Swcigih Minzcunghveij gig yawj- naek nienzdoh Vahcuengh Sawcuengh Suijbingz Gaujsi, it dwg laebhwnj laebcaez aen gihgou lingjdauj cujciz gaujsi, laebbaenz nienzdoh Vah- cuengh Sawcuengh Suijbingz Gaujsi gunghcoz lingjdauj siujcuj caeuq nienzdoh gaujsi gaujvu gunghcoz lingjdauj siujcuj, Swcigih Minz- cunghveij anbaiz boux veij lingjdauj faenguenj gij hong gaujsi haenx guh cujcangj, boux ngeih gaep sinzsiyenz bangbouj faenguenj gij hong gaujsi haenx guh fucujcangj, bouxdaeuz cujyau veij minzcuz yijvwnz cu guh cungjhezdiuz, Gvangjsih Minzcuz Yijvwnz Yenzgiu Cunghsinh、Cungh- gung Nanzningz Siveij Dangjyau、Nanzningz daengj sibseiq aen si Minzcunghveij bouxdaeuz roxnaeuz bouxdaeuz faenguenj gij hong minz- cuz yijvwnz haenx guh siujcuj cwngzyenz. Ngeih dwg bouxdaeuz Swcigih Minzcunghveij gig yawjnaek gij hong gaujsi, liz ngoenz gaujsi lij miz caet ngoenz seiz, boux veij lingjdauj faenguenj gij hong haenx couh guhdaeuz ciuhai aen hoih gaujsi gunghcoz lingjdauj siujcuj, cazyawj gaujsi bwh ndaej yienghlawz, anbaiz gaujvu gunghcoz, lij youq ngoenz gaujsi byaijyawj gak aen gaujcangz, genjcaz、sonyinx gij hong gaujsi gaujvu;Sam dwg gaujsi gihci caezcienz, yiemzgek ciuq《Gij Sonyinx Fuengz- haed Binghraq Bwtndat Gak Cungj Yienhciengz Bizsi Mensi》, yenzgiu dingh’ok 《Aen Fueng’anq Hengz- guh Vahcuengh Sawcuengh Suijbingz Gaujsi Bi 2020》 《Aen Fueng’anq Gaujvu Vahcuengh Sawcuengh Suij- bingz Gaujsi Bi 2020》, mingzbeg doekdingh gij hong caeuq iugouz senhconz fatdoengh、bauqmingz、ok daezmoeg、baujguenj baujmiz sigienj、gaujvu beizyin、 cinjgaujcwng guh fat、gaujcangz anbaiz、cunzyawj caeuq genhgauj、ancienz baujhen、fuengz- haed binghraq daengj, lij laebbaenz le gaujvucuj、cunzyawjcuj、genhduzcuj、baujmizcuj、genhgaujcuj、 hongsaeh ywbingh cuj、baujhencuj、 houginzcuj daengj.

Ngeih. Gyagiengz gij hong senhconz fatdoengh gaujsi, “onj” gyoengq boux- bauqgauj

Vih hawj vunzlai vunz rox aen gaujsi neix, nyienh daeuj camgya gaujsi, Swcigih Minzcunghveij cawz- liux yaenqfat nienzdoh gaujsi hengz- guh fueng’anq hawj cibseiq aen si Minzcunghveij(giz), iugouz gyoengqde guh ndei gij hong gaujsi senhconz fatdoengh, lij youq 《Gvangjsih Yiz- bau》《Nanzgoz Caujbau》《Gvangjsih Minzcuz Bau》caeuq Minzcunghveij Vangj、Gvangjsih Minzcuz Bau Vangj、Gvangjsih Minzcuz Daihhag、Nanz- ningz Swhfan Daihhag、Gvangjsih Minzcuz Swhfan Yozyen daengj gauhyau doenghgij veihsinginz lauxsae caeuq hagseng haenx, fatbouh gaujsi gunghgau, dazyinx vunzlai giethab saedsaeh daeuj camgya gaujsi. Ging- gvaq dauqcawq senhconz fatdoengh, gungh miz 299 vunz bauqmingz camgya gaujsi, gyoengqde daj Nanz- ningz、Fangzcwngzgangj、Ginhcouh、Gveigangj、Baksaek、Bwzhaij、Hozciz、Laizbinh、Cungzcoj daengj 9 aen si daeuj, hawj gij soq baugauj caeuq gij soq bingzyaenz hai gauj 9 bi daeuj ca mbouj lai doxdaengh. Gaujsi sat le, Swcigih Minzcunghveij lij gibseiz dawz sigienj caeuq canhgauj dapanq hawj Gvangjsih Minzcuz Bau fatbouh, hawj vunzlai hagsib.

Sam. Gveihfan okdaez, “onj” caetliengh daezmoeg gaujsi

Geij bi gonq, gaenq haenqrengz gohyoz ok daezmoeg, bineix, Swcigih Minzcunghveij laebdaeb cingj gyoengq gyauyuz cwzbingz conhgyah daeuj sonyinx gij hong gaujsi, cawzliux faensik gij caetliengh sigienj、cingzcik hagseng、dwzcwngh hagseng cogaep、cunggaep、gaugaep Vahcuengh Saw- cuengh Suijbingz Gaujsi Bi 2019 haenx, lij riengz gyoengq conhgyah Vahcuengh Sawcuengh caez haeujbae okdaez, gyoengqde gaengawq bigonq gaujsi faensik gezgoj, diuzcingj le okdaez fuengyiengq. Gaujsi sat le, daj gij gienjmienh gezgoj daeuj yawj, bi- gvaq gaujsi ndaej laebdaeb baujciz gohyoz okdaez, daezmoeg nanzheih habngamj, gij faen bingzyaenz cogaep、cunggaep、gaugaep faenbied dwg 59.29、 64.76、 65; habgeklwd faen- bied dwg 61.64%、66%、57.14%，song yiengh cungj dwg ceiq sang hai gauj 9 bi daeuj. Caiqlix, gaujsi sat le, gaujswngh caeuq boux conhgyah gaijgienj caemh naeuz daezmoeg bineix ndaej gaenriengz gaujsi dagangh, loihhingz daezmoeg caeuq gij cih- sizdenj gauj haenx cungj cienzmienh, miz cimdoiq, daezmoeg yiengh lai, ndaej genjniemh gij suijbingz Vah- cuengh Sawcuengh boux daeuj gauj.

Seiq. Yiemzgek gaujsi liuzcwngz, “onj” gaujvu gunghcoz

Daj bineix ndwen 9 daeuj, Swcigih Minzcunghveij caeuq Cungh- gung Nanzningz Siveij Dangjyau daengj bumwnz danhvei, yunghsim bae bwh, maenhsaed doicaenh gak hangh gaujvu gunghcoz. Moix aen gaujvu gunghcozcuj cungj ndaej yiemzgek ciuq yinzsw gij mizgven gvidingh gaujsi, daezgonq bwh ndei sojmiz hong gaujsi, gij hong okdaez、baizbanj yaenqdaez daengj cungj saedhengz ngeihcib seiq aen cung- daeuz cienz fungsaek guenjleix. 10 nyied 31 hauh, Vahcuengh Sawcuengh Suijbingz Gaujsi Bi 2020 ciuqseiz youq Cunghgung Nanzningz Siveij Dangjyau gawjhengz. Baenz aen gaujsi mbouj luenh saekdi, ndaw gaujcangz hix guenjleix ndaej ndei. Gyoengq vunz gaujvu dawzseiz yunghsim guhhong, yiemzgek guenjleix, baenz daengx aen gaujsi mbouj miz gauj- swngh guh gyaj、cau roxnaeuz caeg yawj dapanq vunzwnq. Gaujsi sat le, gaij gienj、gyoepsuenq gij soq gaujsi、fatbouh cingzcik daengj hong sikhaek ciuq dajveh bae guh. Seizneix, gij hong yaenqguh、faenfat cingzcik baugaudanh caeuq habgek cwngsuh gaujswngh、faensik cingzcik daengj hix cungj guh liux lo. Gij hong Vahcuengh Sawcuengh Suijbingz Gaujsi bi 2020 guh baenz guh ndei lo.