Ndwen 1 ngoenz 5, geij boux mehmbwk Gungh- cwngz Yauzcuz Swciyen doxcomz youq giz ndeu, ndaw fwngz fagcim diuzlaengj baedauq mbouj dingz. Neix dwg aen hozdung san buhlaengj simndei gvansim lwggyax lwgndangcanz youz Gunghcwngz Fulenz banh haenx. Hozdung gungh miz 20 lai boux “daxmeh simndei” camgya, daengz seizneix fat le 30 gaen laengj, sou ma yaek miz 30 geu buhlaengj. Gyoengqde dawz gvansim caeuq caencingz baez cim baez cim san haeuj buhlaengj bae, yungh simgyaez saedguh “minzcuz doxgiet ranz vunz ndeu”.(Lij Mouyangh/李茂香)