1 nyied 6 hauh, Aen Hoih Daengx Guek Senhconz Bucangj youq Baekging hai. Cunghgung Cunghyangh Cwngcigiz cangzveij、Cunghyangh Suhgicu suhgi Vangz Huningz camgya hai hoih caemhcaiq gangjvah. De naeuz, raeuz aeu dingjmaenh aeu Aen Swhsiengj Sevei Cujyi Miz Daegsaek Cungguek Seiz- daih Moq Siz Ginbingz de vixyinx, gyagiengz “seiq aen yisiz”、 dingj- maenh “seiq aen gagsaenq”、 guh- daengz“song aen henhoh”, hopheux hongsaeh hainduj “cibseiq haj”、hwnjdin byaij roen moq, hawj hong- saeh angqhoh laeb dangj 100 hopbi lwenqda lailai, yamq maenh guh ndei hong senhconz swhsiengj, ok gij swhsiengj baujcingq maenh’onj caeuq rengz cingsaenz giengzak de hawj raeuz gizgiz hwnjguh aen guek- gya yendaiva sevei cujyi hainduj ndei hwnjdin ndei.

Vangz Huningz vixok, guh ndei hong senhconz swhsiengj, aeu hagsib ciuqhengz Aen Swhsiengj Sevei Cujyi Miz Daegsaek Cungguek Seizdaih Moq Siz Ginbingz de dangq aen cwngci yinvu hungdaeuz ndeu. Aeu comz gij rengz daengx diuz cansen de senhconz gyauyuz angqhoh Cunghgoz Gungcanjdangj laebbaenz 100 hopbi, gangj gij gojgaeq Cunghgoz Gung- canjdangj ndaej ndeidingq ndeiyawj, geiq maenh baenzsaeh hungmbwk、byaijok baenzsaeh lwenqda.

Cunghgung Cunghyangh Cwng- cigiz veijyenz、Cunghsenhbu bucangj Vangz Gunhmingz guhdaeuz anbaiz saeh aen hoih neix caemhcaiq nda hong coglaeng.

Cunghgung Cunghyangh Cwng- cigiz veijyenz、Gozvuyen fucungjlij Sunh Cunhlanz camgya hai hoih.

（ciuq Sinhvazse）