Geij ngoenz gonq, Cunghgung Cunghyangh yaenqfat《Aen Diuzlaeh Hong Dungjyiz Cansen Cunghgoz Gungcanjdangj》 （baihlaeng gangj dinj baenz 《Diuzlaeh》） gaij ndei de, caemhcaiq fat dunghcih, heuh gak dieg gak bumwnz ciuqhengz.

Aen《Diuzlaeh》 baezneix gaij ndei de, aeu Aen Swhsiengj Sevei Cujyi Miz Gij Daegsaek Cungguek Seizdaih Moq Siz Ginbingz de vixyinx, haeujlaeg ciuqhengz daemxdaej gij swhsiengj youqgaenj Siz Ginbingz cungjsuhgi gangj gyagiengz caeuq gaijndei hong dungjyiz cansen, dingj- maenh caeuq gyagiengz dangj gyonj- comz daiqlingx hong dungjyiz can- sen, yunghrengz hawj hong dungjyiz cansen gohyozva、gveihfanva、ciduva suijbingz lai sang, neix dwg gvigawj daeuz youq seizdaih moq guh hong dungjyiz cansen aeu ciuqhengz. Gaij ndei caeuq saedhengz《Diuzlaeh》, ndaej langh rengz ceiq lai gyamaenh caeuq hwngfat yiengh gyaez guek dungjyiz cansen ceiq gvangqlangh, gizgiz hwnqguh aen guekgya yendaiva sevei cujyi、saedyienh aen loqsiengj Cungguek Cunghvaz minzcuz fukhwng hungmbwk, mizyungh youqgaenj dah- raix.

Dunghcih iugouz, gak gaep dangjveij（dangjcuj）yaek haeujsim hagsib senhconz caeuq ciuqhengz《Diuzlaeh》 daemxdaej, hawj gak gaep dangjcujciz caeuq gak gaep lingjdauj ganbu daezsang dungjcan yisiz. Cunghyangh Dungjcanbu aeu caeuq mizgven bumwnz doxgap gyagiengz coi hong caeuq vixyinx, bauj《Diuzlaeh》ndawde gak hangh gvidingh ndaej ciuqhengz daemxdaej dahraix.

（ciuq Sinhvazse）