Bi’gvaq 12 nyied 31 hauh, Sanhgyangh Dungcuz Swciyen Bazgyangh Cin Gauhmai Cunh Mbanjgveihco bae laeng Mbanjdung Yezyej banh aen hozdung “Yezyej”. “Yezyej” dwg cungj fungsug doxgyau Mbanjdung, couhdwg bouxsai mehmbwk bouxlaux lwgnyez mbanj ndeu ciuq doxduenq bae daengz mbanj wnq guh hek, cawjdaeuz riuz youq Mbanjdung giz gapgyaiq Gvangjsih、Huznanz caeuq Gveicouh. Gyoengqvunz song mbanj caez diuq foux caijdinvenz、angq diuq foux dohyeh、gwn ngaizbakranz daengj. Itmienh angq coux bimoq, itmienh caenhsim langhbaij lai cungj yienghndei Mbanjdung, ciepcienz caeuq fatyiengz le gij cienzdoengj vwnzva Dungcuz.

(Gungh Bujgangh/龚普康)